Ibrani 13:9 - Izere New Testament

⁹ Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

Ibrani 13:9 Iomraidhean Croise

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aMatiyu 24:4

aYeso fe̱ be ba ye, “Nye yin tatan fan a ba ka wo̱ro̱k yin.

aLuka 5:38

Ei, a korok ashi anap afas kaye̱e̱r ariding kukpa kufas.

Itomong Ámanzo 20:30

Kaye̱e̱r yin gip, ákak tà dorok nong á ta buruk katsak'e nong ase̱ áfikuus akak tà ka kuus ba.

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aRom 14:2

Kuno̱o̱k katsak akak, tu ku won a ta ya koakye ike̱ng wu ta se̱, amma aner aya kuno̱o̱k katsak wu ta be̱ agap baꞌ, ya awan rikon tsek.

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

1 aKoranti 8:8

Sang naya ne na ta sak ta be̱ yir bubarak be Adakunom baꞌ. Ko yir tu ya yir ko i tu won dar i ya yir, na tin barang mo yir ike̱ng ikak baꞌ.

2 aKoranti 1:21

Adakunom ne a sak yir be yin cice̱r ta nyeseng yir kpa kaye̱e̱r aKiristi. Wu ne a ti kasa yir,

aGalati 6:1

Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

aKolosi 2:4

Mi ta tak yin ike̱re̱ na nong fan akak ba ka wo̱ro̱k yin be kanu re̱m re̱m.

2 aTasalonika 2:17

tà ka tsesek yin, ne a ka sak yin ta nyeseng yin kpa kaye̱e̱r koakye itomong ne kufe̱ kanu gye̱r.

2 aTasalonika 2:2

sang tu te yin titak, ka aye̱ yin tu dorok baꞌ. Kunom kube̱ Agwo̱m Ágwo̱m n nye baꞌ. Kashim akak fe̱ anong nizen iya yir tá se yir be kunye kuzarap ka izen iya yir tá se yir be kutaas rife̱ Adakunom'me ka kaye̱e̱r i zibir yir ayi, ye kunom kube̱ Agwo̱m Ágwo̱m n nye.

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

aZhud 1:12

Áner ayong ta ka beseng yin na nyim yin nafe riye̱ rikan yin, á yas mak be yin dar isum dar inyim. A se kyo̱ndi áfe kufek áya a tin sak riye̱ natoon rice ba tsek. Á se kyo̱ndi ane̱n á ta nyim amma ke kuwun be̱ ne kushik. Ne á se kyo̱ndi nakon naya na ta tes baꞌ, ka kyo̱ndi nakon naya a tá turung ne na kus cei.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.