Ibrani 13:7 - Izere New Testament

⁷ Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

Ibrani 13:7 Iomraidhean Croise

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?

aLuka 12:42

aYeso fe̱ be wu ye, “Angan ne a nye asam afe a ta be katsak ne a be kukyem e̱? Aya atekasa wu tú ku won ribir ásam nubo̱k, ne a ku nyesek ba naya nizen gye̱r.

aLuka 5:1

Katuk kakak aYeso se nunyeseng nanu kudung aZhanisarat yong ánerawe'me tú ku firik nong á tà fok rife̱ Adakunom.

aLuka 8:11

“Iyu ne i nye ike̱ng iya kumaas'e ta sor, íca naya'me nye rife̱ Adakunom.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

aRom 10:17

Kamok anong, a ti no̱o̱k katsak rife̱ ke a fok rife̱'me. A fok rife̱'me nizen iya a ta nye awazi Rife̱ Ritek natoon aKiristi.

1 aKoranti 10:13

Kubo̱mo̱ng kukak kuse ku ta ka se̱ yin ku tan won dar kun se̱ akak baꞌ. Adakunom shishing ike̱ng wu ta fe̱ baꞌ, a tà ka won yin tà no̱ yin nubo̱mo̱ng kuya ku ta nar agap yin baꞌ. Ke yin no̱ yin nubo̱mo̱ng'e a tà ka nye yin iren ife yin tana kyem i tsesek yin kaye̱e̱r'e.

1 aKoranti 11:1

Kuus yin ane̱e̱ mi kyo̱ndi mi ta kuus afe Kiristi.

1 aKoranti 4:16

Mi ta nye yin akusuk, bo̱so̱p yin kuse mi.

aFilipi 3:17

Ároneng, kuus yin ane̱e̱ mi cice̱r yin, ne i ye̱re̱k yin kuse áya a ta kuus ike̱ng iya yir tá fe̱ yir be yin.

1 aTasalonika 1:6

Yin kuus yin ane̱e̱ yir ne afe Agwo̱m Ágwo̱m yir, yin so̱ yin risam gye̱rtatan, amma yin shan yin rife̱ Adakunom'me be riye̱ rikan riya Kabik Kazhe̱l'e tá ka no̱o̱k yin.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

2 aTasalonika 3:7

Yin be rice yin, yin ren yin ye, gye̱r ke yin kuus yin kutak yir. Nizen yir tá se yir mak be yin, yir be yir karuur baꞌ,

2 aTasalonika 3:9

Yir nye yir anong sang i se ye yir won dar i kyem yir baꞌ. Yir nye yir anong nong yin ta kuus yin ane̱e̱ yir. Yir nye yir anong, nong ase̱ yin ta bo̱so̱p yin ike̱ng ikak nufe yir.

1 aTimoti 3:5

Ke anerawe kyem a ti sak riye̱ na áfekari wu baꞌ, to̱, a ta nye ane̱ a tin sak riye̱ na ikilisiya Adakunom e̱?

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

Ibrani 13:24

Ku nye shou yin áko̱k kasho̱o̱n yin, be azhe̱l'e cice̱r. Áfe a ta se niben Italiya ta nye yin ashou.

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.