Ibrani 13:5 - Izere New Testament

⁵ Kam yin be kuse kumak shim itso̱m, ne i ni fan yin nike̱ng iya yin ta be yin, kamok Adakunom fe̱ ye, “Mi ta ka won baꞌ, ko cie̱k mi ta ka barak nigaan'e baꞌ, ko cie̱k.”

Ibrani 13:5 Iomraidhean Croise

aMatiyu 6:19

“Sang tu tusung yin kurum yin kaye̱e̱r kazatse, naro̱ íwhe̱e̱s be ítse̱ tana beseng'e baꞌ ka naro̱ kaya ákpatang tana fo nong a tà kok baꞌ.

aMatiyu 6:25

“Kamok anong, mi fe̱ be yin ye, sang yin tu daam yin ka ane̱ ne yin tà sor yin baꞌ, natoon ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ. Kutser nar naya, ne kuro̱m nar ares aꞌa?

aMatiyu 6:34

Kamok anong, sang yin tu daam yin be katson baꞌ, katson tà nye rikan rice wu. Koakye kunom be kudaam wu.

aMarkus 7:22

ne kuye̱re̱k, be anyas ne kuwo̱ro̱k anerawe, ne rinyisi rikan, ne rishishim, be naborok, ne kuka be rifunam.

aLuka 3:14

Ne ásozha ákak ku rip ye, “Akye̱ ne yir tà nye yir e̱?” Ne a fe̱ be ba ye, “Tin shashang yin itso̱m nufe akak be agap ka tin bo̱s yin naborok na ánerawe baꞌ, nifan yin nitso̱m a ta ka karang yin.”

aLuka 8:14

Íca'me iya i ta kpas kaye̱e̱r ikiritsan nye áner aya a ta fok rife̱ Adakunom, a ra ya kasho̱o̱n nusor'e baꞌ, kamok á ti daam be ike̱re̱ kazatse na, ne kutse̱r kurum ne kusor kutek.

aRom 1:29

An shining be iriri ike̱re̱ iya i ta se gye̱r nasho̱o̱n Adakunom baꞌ, be rikpe̱ ne kudi ike̱ng ne amaan kuto̱ro̱ng. Igak ku naka shishim be ku naka fe̱s be kuren ne ku naka wo̱ro̱k be amaan kunye. Ba te áfe imok,

1 aKoranti 5:11

Kyo̱o̱rna, mi sen ka zibir yin'e ye sang tu gung yin rice be koangan a ta yis rice wu ye afikuus ne a nye rikuna, ka a di ike̱ng ka a kuus itsi ka kukas naro̱, ka a so̱ amaan ike̱re̱, ka akpatang baꞌ. Sang tu ya yin naya mak be áner kuri ayong baꞌ.

1 aKoranti 6:10

ka ákpatang ka áfe kuye̱re̱k ka áya a ta mak a sok kugbe̱re̱ ka áfe a ta kas naro̱ ka áfe a tà mo̱o̱r ánerawe ta won dar a no̱ kaye̱e̱r rigwo̱m Adakunom baꞌ aꞌa?

2 aKoranti 4:9

A ti tabak yir, amma gip be anong Adakunom ti won yir baꞌ. Nizen ikak ne á ni no̱o̱k yir risam, gip be anong á ti fe̱s yir baꞌ.

Afisa 5:3

Kum yin ta nye yin áfe Adakunom, sang a tu fok itak rikuna kaye̱e̱r yin, ko cie̱k baꞌ, ka kunye ike̱re̱ isum ka rinyisi rikan kaye̱e̱r yin baꞌ, kamok ike̱re̱ kuri iyong nye itek kaye̱e̱r ánerawe Adakunom ázhe̱l'e baꞌ.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

1 aTimoti 3:3

sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.

2 aBitrus 2:14

Á shim ku tse̱se̱k ányining dide̱ng, ma á ro̱n be kunye rine̱n baꞌ. Á tsang á wo̱ro̱k áner aya sang á tan nyeseng be agap baꞌ. Á mak á be kuye̱re̱k dide̱ng. Iri ba ne Adakunom ma ka fiming ba.

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.