Ibrani 13:4 - Izere New Testament

⁴ Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

Ibrani 13:4 Iomraidhean Croise

1 aKoranti 5:13

Adakunom ne a tà to̱ áfurin amok. “Tun yin aner a ta nye amaan'e kaye̱e̱r yin.”

1 aKoranti 6:18

Kuteng yin kunye kye̱re̱. Sang koakye kuri rine̱n ánerawe ta nye ne ri beseng kuro̱m wu baꞌ, amma aner aya a ta nye kye̱re̱ be kuro̱m wu, beseng kuro̱m wu.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

1 aKoranti 7:38

Kamok anong, aner aya a ta sok kanamang, a nye ike̱ng iya i ta se gye̱r, aya a ta sok kanamang baꞌ, a nye ike̱ng iya i ta se gye̱r ne i nar'e.

1 aKoranti 9:5

Aser, yir kyem yir tá tsang i tseng yir be ányining aya a ta nye áfikuus kyo̱ndi ribir ámanzo ne áronyining Agwo̱m Ágwo̱m yir ne aKefas tá nye aꞌa?

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aGalati 5:19

Kuse rinerawe se de̱s, kunye ike̱re̱ kyo̱ndi: rikuna be amaan kuse, ne kunye kyo̱ndi agabu,

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

1 aTasalonika 4:6

Kyo̱ndi yir tá tsang i fe̱ yir, ne i bun i ka zhe̱she̱k yin ye, sang akak tu beseng afudang riye̱ baꞌ, ka a tu ku nye ike̱ng ikak imaan'e baꞌ, kamok Agwo̱m Ágwo̱m yir ne a ta to̱ áner kuri ayong amok.

1 aTimoti 3:12

aDikon ra nye aner aya a ta be abining azining ne a ren ku ni sak riye̱ ni inoon wu be áfekasa wu gye̱r.

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

1 aTimoti 3:4

A ra nye aner a ta kyem a ni sak riye̱ na áfekari wu, ne inoon wu ku no̱o̱k kuyiik wu ne á ku fok kuto.

1 aTimoti 4:3

Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.