Ibrani 13:3 - Izere New Testament

³ Yiring yin be áya a ta se nitso̱m, nye yin be ba kyo̱ndi yin se yin mak. Yiring yin be áya a ta sen ku no̱o̱k ba risam, nye yin be ba kyo̱ndi yin se yin mak.

Ibrani 13:3 Iomraidhean Croise

aMatiyu 25:36

Mi be kukpiin baꞌ, yin ti no̱o̱k yin. Mi nye atser baꞌ, yin ti sak yin riye̱ natoon'i. Mi se nitso̱m, yin be̱ i ti di yin.’

aMatiyu 25:43

Mi be̱ kyo̱ndi aner atsen, yin ti shan yin baꞌ, mi be kukpiin kute baꞌ, yin ti no̱o̱k yin baꞌ. Mi nye atser baꞌ, a ti te nitso̱m amma yin daam yin be mi baꞌ.’

Itomong Ámanzo 24:23

aFelis fe̱ be aritek ásozha'me ye a ra fek aBulus gye̱r sang a tu mak a ku firik baꞌ, ye a ra won áfertseng wu tin sak riye̱ ni wu.

Itomong Ámanzo 27:3

Kaya katson'e yir se no̱ yir na aSidon. aZhuliyos tonong aBulus ritek a tu ku won a ta tseng nufe áfertseng wu nong á tin sak riye̱ ni wu.

aRom 12:15

Nye yin riye̱ rikan be áya a ta sen nye riye̱ rikan, nye yin riyo̱m be áya a ta se kaye̱e̱r riyo̱m.

1 aKoranti 12:26

Kamok anong, ke abas akak naka man ne ribir'e fok kuro̱'me. Ke a kerek abas akak ne ribir'e nye riye̱ rikan.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

aKolosi 4:18

Mi aBulus ne i zibir ashou na be kubo̱k'i, tu tiburum yin ye mi na aze nitso̱m baꞌ. Ritek Adakunom se mak be yin.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

Ibrani 11:37

A barak ákak be ata, ne a te̱se̱ng ákak ba abir'e be azarto, ne a fe̱s ákak be awe̱n atsor. Ákak tes akpa itsamang ne afe izha iwe, ne á tsang a tseng. Á te afe rizor ne a nye be ba kye̱re̱ ne a ku tabak ba.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.