Ibrani 11:7 - Izere New Testament

⁷ Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 11:7 Iomraidhean Croise

1 aBitrus 3:20

Nabik nayong'e nye naya á tá raba ku kuus rife̱ Adakunom gip be anong gbugbang nizen aNuhu. Á raba ku kuus ike̱ng iya Adakunom tá fe̱. Adakunom tsesek be ba nizen iya aNuhu tá nye Kukpara ashi'me. Nizen iyong'e ánerawe ikara tsek ne a whe̱r.

aRom 4:13

Adakunom no̱o̱k kuto̱ be Ibrahim ne kuri wu ye ba ne a ta ya kutse kazatse na sang kamok Ibrahim ta kuus Itsi baꞌ, amma kamok ku te gye̱r kuya a ta se̱ kamok kuno̱o̱k katsak.

aLuka 17:26

“Kyo̱ndi i tá se nizen aNuhu, anong ne i tà se nizen Igon Anerawe tana bun a be̱ gip.

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

aGalati 5:5

Yir te yir riye̱ ye Adakunom ta sak yir ta te yir azhe̱l'e ike̱ng ife i ta sak yir ta tor yir nye Kabik Adakunom kaya ka ta nye itomong kaye̱e̱r kuno̱o̱k katsak yir.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aRom 1:17

Kamok kaye̱e̱r'e ne a ti tonong iren ku te gye̱r nasho̱o̱n Adakunom, ku te gye̱r'e nye kuno̱o̱k katsak ni ime̱se̱ng'e ma nigang'e. Kyo̱ndi i ta se ni zibir ye, “Aner aya a ta se gye̱r nasho̱o̱n Adakunom ta sor kaye̱e̱r kuno̱o̱k katsak.”

aMatiyu 3:7

Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

2 aBitrus 3:6

Adakunom kis kazatse be ashi nizen iyong, nizen iya ashi ta whe̱e̱n kazatse.

2 aBitrus 2:5

Nizen agbugbang, áner aya a tá nye anyas gip, Adakunom tú ku won ba baꞌ. Adakunom tu ku fe̱s ba be amaan ashi nizen aNuhu. Amma a shesh aNuhu, aner a nye awazi katsak be ribir ánerawe kanataar ne a gaar tsek.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

Ibrani 11:1

Kuno̱o̱k katsak nye ku ni te riye̱ dim ye yir ta se̱ yir ike̱ng iya yir ta min te yir riye̱ dim, iya sang yir ta di yir baꞌ.

aRom 10:6

Amma rife̱ Adakunom natoon kute gye̱r nasho̱o̱n wu kamok kuno̱o̱k katsak fe̱ ye, “Sang tu fe̱ kaye̱e̱r riye̱ wan ye, ‘Angan tà ngarak naza e̱?’ ” (nong ase̱ a ta tiik be aKiristi.)

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aMatiyu 24:38

Nizen Adakunom tá kis kazatse be ashi, ánerawe sen ya ne á so̱ ne á nye iwe̱ne̱ng ne á nyesek ángas ba niwe̱ne̱ng, ma katuk aNuhu tá no̱ kaye̱e̱r kukpara ashi,

aMatiyu 24:25

To̱, mi ma ka tak yin nakuruk.

aRom 9:30

To̱, iyong ta fe̱ yir ane̱ e̱? Aner aya sang a ta nye áner aYahuda baꞌ, a ti daam be kutse̱r kute gye̱r nasho̱o̱n Adakunom baꞌ, amma a se̱. Kuse̱ kute gye̱r ba nasho̱o̱n Adakunom ba se̱ se kamok kuno̱o̱k katsak ba.

aMatiyu 24:15

“Kamok anong, ke yin di yin amaan ike̱ng nunyeseng naro̱ ka ta se zhe̱l kyo̱ndi aDaniel aner kuzarap tá fe̱. (Won yin áfe kufa'me tu ren yin anong.)

aMatiyu 2:12

A tsang a kutak ba kaye̱e̱r nabos ye, sang á tú gor nufe aHiridus baba baꞌ. Iyong á tú bun nuwo̱p ba ni iren ikak.

Ibrani 8:5

Nizen iya a ta nye itomong naro̱ kaya ka ta nar kuse zhe̱l, a maas ne a kuus nawu ike̱ng iya a ta nye kaye̱e̱r kaza tsek. Iyong ne i sak a tá kpam aMusa nizen iya a tá tse̱r a tá tar kubur a tanin ya Adakunom iben ye, “Sak riye̱ nong ta nye koakye ike̱ng kyo̱ndi mi ta ka tonong natoon rifan.”

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?