Ibrani 11:4 - Izere New Testament

⁴ Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

Ibrani 11:4 Iomraidhean Croise

aMatiyu 23:35

Kamok anong, natoon ace yin ne a tà tse̱r naso̱k aner aya a ta se zhe̱l nasho̱o̱n Adakunom cei, áfe yin tú ku fe̱s yin ba kaye̱e̱r kazatse kum be aHabila aner azhe̱l'e nasho̱o̱n Adakunom ma nizen aZakariya igon aBerikiya, aya yin tá fe̱r yin natite agbang kutu kuya Adakunom iben be karo̱ kunye asidaka.

aLuka 11:51

kum nizen a tá fe̱r aHabila ma nizen aZakariya, aya a tá fe̱r natite abagadi ne karo̱ azhe̱l'e. Katsak'e ne mi tá ka tak yin, á tà to̱ áner izam iyu amok kamok ba cei.”

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

Ibrani 11:2

Iyong ne i sak a tá kerek áner agbugbang.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

Ibrani 5:1

Koakye agbang atsi Adakunom ne a tu kasa kaye̱e̱r ánerawe áfudang nong a tà fe̱ kanu rice ba natoon ike̱re̱ Adakunom ne a nye asidaka kamok rine̱n.

Ibrani 9:22

Katsak'e, Itsi shim ye a ra kusu koakye ike̱ng be naso̱k, kamok ke a nyosong naso̱k baꞌ, a ta kyem a re̱ng rine̱n baꞌ.

2 aBitrus 2:8

aLot nye aner katsak gye̱rtatan, amma a sor natite amaan ánerawe, ne a ye̱re̱k kuri amaan kunye ba koakye kunom ne a foos amaan rife̱ ba, ma a yiir nye riye̱ riwe kaye̱e̱r riye̱ wu kamok ba tá gaar ku kuus Itsi.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.