Ibrani 11:3 - Izere New Testament

³ Natoon kuno̱o̱k katsak ne yir ti ren yir ye a nye kazatse be rife̱ Adakunom. Kamok anong, a nye ike̱re̱ yir tá di yir kaye̱e̱r kazatse na be ike̱re̱ iya sang yir ta di yir be anyisi yir baꞌ.

Ibrani 11:3 Iomraidhean Croise

aYohana 1:3

Be wu ne a nye koakye ike̱ng, ike̱ng ikak kuse ife a tá nye dar wu baꞌ.

Itomong Ámanzo 14:15

“Aro̱, akye̱ sak yin ta nye yin ana e̱? Yir gip yir nye yir ánerawe kyo̱ndi yin tsek. Yir ma ka be̱e̱n yin Rife̱ Ritek ye yin ru won yin kunye akpe̱de̱ng ike̱re̱ na nong tu ku bun yin nufe Adakunom afe kutser aya a ta nye kaza be kaben ne isho̱ng be ike̱re̱ iya i ta se kaye̱e̱r'e peer.

Itomong Ámanzo 17:24

“Adakunom aya a tá nye kazatse be ike̱re̱ iya i ta se kaye̱e̱r'e cei, wu aya a ta nye Agwo̱m Ágwo̱m kaza be kaben sor ninaro̱ na ya ánerawe ne a tá no̱k be ibo̱k ba baꞌ.

aRom 4:17

Kyo̱ndi i ta se kaye̱e̱r izibir rife̱ Adakunom ye, “Mi ta ka sak nong wan ta sor ada ánerawe whe̱re̱.” Adakunom afe wu tin no̱o̱k katsak tú ku sok a tá sor ada yir. Wu ne a nyesek áya a tá kus kutser, rife̱ wu ne ri sak a nye ike̱re̱ i ta tsang i kuse baꞌ.

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

1 aTimoti 4:5

Kamok Adakunom sak tá te zhe̱l be rife̱ Adakunom ne aduwa.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

Ibrani 6:5

ne áya a tá kun fok ritek rife̱ Adakunom ne kukyem kufe kasho̱o̱n.

2 aBitrus 3:5

Áner á ta fe̱ anong fe̱ anyas tsek, ba tiburum'e ye be rife̱ Adakunom ne Adakunom sak kaza be kaben ti wuruk kaye̱e̱r.

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”