Ibrani 11:1 - Izere New Testament

¹ Kuno̱o̱k katsak nye ku ni te riye̱ dim ye yir ta se̱ yir ike̱ng iya yir ta min te yir riye̱ dim, iya sang yir ta di yir baꞌ.

Ibrani 11:1 Iomraidhean Croise

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

2 aKoranti 11:17

Natoon ku ni iya kuka be rice mi, sang mi fe̱ ike̱ng iya Agwo̱m Ágwo̱m ta fe̱ baꞌ, amma mi fe̱ kyo̱ndi aner ta se dar ritse̱ng.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

2 aKoranti 5:7

Kusor yir ta sor yir nye kusor kuno̱o̱k katsak sang kamok ike̱re̱ yir ta ye̱re̱k yir baꞌ.

2 aKoranti 9:4

Kamok ke mi be̱ be áner aMakidoniya ákak ne yir be̱ i ta ka se̱ yin dar kanye̱k, yir ta fok yir isum dide̱ng, yin gip isum ta ka ro̱ yin kamok mi n mak i ni te riye̱ ni yin.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

Ibrani 10:39

Yir nye yir kuri áya a tana kubun kama ne á wei baꞌ, amma yir min no̱o̱k yir katsak, a min shesh yir.

Ibrani 11:13

Áner na kus cice̱r kaye̱e̱r kuno̱o̱k katsak ba. Ba shan ike̱ng iya Adakunom ta fe̱ be ba ye á ta ka no̱o̱k ba be rice ba baꞌ. Igak á ta di gugo̱k tsek ne á nye riye̱ rikan. Á shim ye ba nye átsen nazatse.

Ibrani 11:27

Natoon kuno̱o̱k katsak ne a ti dorok na aMasar dar inyim riye̱ kubeseng agwo̱m. A tsesek kamok a ye̱re̱k aya sang anyisi tu kudi baꞌ.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.