Ibrani 1:9 - Izere New Testament

⁹ Wan shim katsak ne i rawan amaan kuse kamok anong Adakunom, a ta nye Adakunom wan, tá kasa a ta ka korok name rice. A tá sak wan ta se̱ kuyiik ku ta nar kufe áfudang wan.”

Ibrani 1:9 Iomraidhean Croise

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aYohana 1:41

Ike̱ng ife ime̱se̱ng'e Adarawus ta nye, nye a tse̱r aronyining wu aSiman, a tu ku tak ye, “Yir n se̱ yir aKiristi (wu nye a nye aMasihu).”

aYohana 10:17

Ike̱ng iya i tá sak Ada tin shim'ong, kamok mi tá no̱o̱k kutser'i, nong ta bun i dorok'e.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

Itomong Ámanzo 4:26

Ágwo̱m kazatse n nye kanye̱k kuren, áko̱k kasho̱o̱n ba se natoon'e, a raba Agwo̱m Ágwo̱m ne aKiristi wu tá kasa.’

Itomong Ámanzo 4:27

“I se anong, aHiridus be aBuntus Bilatus ne áner aya sang a ta nye aner aYahuda baꞌ nyim rice be áner Isarela, kaye̱e̱r agbang kuwo̱p na, á tá ko̱n be ásam wan ázhe̱l'e aYeso aya wan tú ku kasa a ta te aner kashesh.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

1 aKoranti 1:9

Adakunom afe a tá ka yis yin, nong ta gung yin rice be igon wu aYeso Kiristi Agwo̱m Ágwo̱m yir, a nye aner aya a ta fe̱ ike̱ng ne a nye.

2 aKoranti 11:31

Adakunom ne a nye Ada Agwo̱m Ágwo̱m yir aYeso, aya a tana ku kerek ma izen izen, ren ye mi sen bo̱s abo̱o̱s baꞌ.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

aFilipi 2:9

Kamok anong, Adakunom tú kutiyiik dide̱ng ne a ku te riyerek ri ta nar koakye riyerek yiik,

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

Ike̱ng a ta tonong aYohana 2:15

Anong ne wan se be áner aya a ta kuus kubo̱so̱p áner aNikolata.