aZhud 1:8 - Izere New Testament

⁸ Anong ne á tà nye be áfe nabos abo̱o̱s na gip, ma á beseng iro̱m ba be ike̱re̱ iyong, á raba kukuus rigwo̱m ne a kas ámaleka Adakunom.

aZhud 1:8 Iomraidhean Croise

aLuka 11:25

Nizen iya ka tú ku bun ka se se̱ karo̱'me an re̱ng a tan nye gye̱r.

aLuka 12:11

“Izen iya ne a tseng be yin nasho̱o̱n áko̱k kasho̱o̱n atu aduwa áner aYahuda be nufe ágwo̱m, tu daam yin be ike̱ng yin tana fe̱ yin natoon rice yin baꞌ,

aLuka 19:14

“Áner wu tú shim baꞌ. Ayong á tom ákak nong á tú ku kuus nama nong a tá se tak'e ye, ‘Yir shim yir aner na tà te agwo̱m yir baꞌ.’

Itomong Ámanzo 23:5

Iyong aBulus fe̱ be ba ye, “Ároneng, mi ren ye a nye agbang atsi baꞌ. Kamok i se ni izibir ye, ‘Sang tin fe̱ imaan'e natoon ako̱k kasho̱o̱n baꞌ.’ ”

Itomong Ámanzo 7:27

“Aner aya a tá sen tsor afudang wu kaye̱e̱r ba tomong aMusa nukim'e nong a tá fe̱ be wu ye, ‘Angan tá sak wan ta te agwo̱m yir nong wan tanin sen ni to̱ yir amok e̱?

Itomong Ámanzo 7:39

“Amma áda yir ra gaar ku kufok kuto, a tú ku shonong ne a shim a tú ku bun ba na aMasar ingya.

1 aKoranti 3:17

Koangan ne a beseng karo̱ Adakunom tu ku sor, Adakunom tú ku beseng gip; kamok karo̱ Adakunom tu ku sor se zhe̱l. Yin ne i nye yin karo̱ Adakunom tu ku sor.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

1 aBitrus 2:17

No̱o̱k yin koangan kuyiik wu, shim yin áfikuus afudang yin, fok yin inyim Adakunom, te yiik yin ako̱k kasho̱o̱n kaben yin.