aZhud 1:7 - Izere New Testament

⁷ Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

aZhud 1:7 Iomraidhean Croise

aMatiyu 10:15

Katsak'e ne mi ta ka tak yin, a tà nar kuro̱ riye̱ áner aSodom be áfe aGomora katuk amok be áner kuwo̱p kuyong.

aMatiyu 11:24

Won ta ka tak yin, katuk igang'e, amok áner aSodom tà ra ku se be áfe yin.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aLuka 17:29

Amma katuk aLot tá dorok na aSodom, Adakunom ti barak kuro̱ng ne iruur'e natoon ba nong a tá kus cei.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

2 aBitrus 2:2

Ánerawe whe̱re̱ tà kuus akpe̱de̱ng kuse ba. Kamok kunye ba, ánerawe'me ákak tà te be iren katsak'e fe̱re̱.

2 aBitrus 2:6

Adakunom shosh agbang iwo̱p aSodom be aGomora ma i te itong. Iyong tonong kuri ike̱ng i tana se̱ áya a ta nye anyas.

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.