aZhud 1:4 - Izere New Testament

⁴ Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

aZhud 1:4 Iomraidhean Croise

aMatiyu 13:25

Nizen iya koangan ta se nida, ne amudo̱n wu be̱ a tin nas agam kaye̱e̱r alikama'me nong a tá tseng akon wu.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

Itomong Ámanzo 15:24

Yir fok yir ye áner akak ne aze nufe yir á tá be̱ ka daam yin ne á ka sak yin nudaam dide̱ng be kuri ike̱re̱ iya ba tá fe̱. Sang yir ne i tá sak yir ba ye á ra nye anong baꞌ.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

1 aTimoti 5:8

Aner aya ne a ti sak riye̱ na afe iri wu baꞌ, abanang áfekari wu baꞌ, aner kuri ayong ton kuno̱o̱k katsak wu. A nye amaan'e ne a nar aner aya afe sang a tá min no̱o̱k katsak na aYeso baꞌ.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

2 aTimoti 3:6

Kaye̱e̱r ba ákak kuse á ta tse̱r iren ku no̱o̱s kaye̱e̱r nasa ánerawe nong á ta wo̱ro̱k ányining áya a ta be ritseng baꞌ, áya rine̱n tan sok rice ba ne amaan iriri kushim ike̱re̱.

1 aBitrus 2:16

Sor yin kyo̱ndi áner aya a ta se ne̱k, sang tu sok yin kusor ne̱k'e nong tin nye yin amaan kunye baꞌ. Amma sor yin kusor kuya ku tana tonong ye yin nye yin ásam Adakunom.

1 aBitrus 2:8

I bun i se ni izibir naro̱ kakak ye, “Kuta'me sak ánerawe ta tu atak, ku sak ánerawe ta kpas!” Ánerawe'me ti tu atak kamok ba raba kukuus rife̱ Adakunom. Kamok anong ne Adakunom tsang sak afe a tá gaar kukuus rife̱ wu'me.

1 aBitrus 4:18

Kyo̱ndi a tá zibir ye, “Ke i ta ro̱ áner ta se gye̱r nasho̱o̱n Adakunom ta se̱ kashesh, to̱, i ta se ane̱ be áfe a ta fok inyim Adakunom baꞌ ne áfe rine̱n e̱?”

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

2 aBitrus 2:7

Wu ne a shesh aLot, aner aya a tá nye azhe̱l'e, aya a tá daam natoon amaan kunye áner aSodom á tá gaar kukuus Itsi Adakunom.

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.

1 aYohana 2:22

Angan ne a bo̱ agbang abo̱o̱s e̱? Aner aya a ta ton'e ye sang aYeso nye aKiristi. Aner kuri ayong ne a nye amudo̱n aYeso, a rawu Ada'me be Igon'e.

aZhud 1:15

nong a ta to̱ koangan amok. A ta tes itomong áya a tá gaar ku kuus Adakunom. A tà te̱s cice̱r amaan rife̱ riya áfe rine̱n ne áya a tá kuus Adakunom baꞌ, tá fe̱ natoon wu.”

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”