aZhud 1:3 - Izere New Testament

³ Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.

aZhud 1:3 Iomraidhean Croise

Itomong Ámanzo 17:3

A yiir i ka tosok ba kanang ye, aKiristi so̱ risam, a bun a dorok nure̱k. A bun a fe̱ be ba ye, “aYeso na mi ta sen ka taas yin itak wu na, wu ne a nye aKiristi'me.”

Itomong Ámanzo 18:28

Kamok a canang áner aYahuda nizen iya a tá ya nanan nasho̱o̱n ánerawe. A tonong ye afumung rife̱ Adakunom tonong ye aYeso ne á nye aKiristi'me.

Itomong Ámanzo 20:27

Kamok sang mi ti yo̱ro̱k be ku ka taas yin koakye ike̱ng iya Adakunom ta shim ke a nye baꞌ.

Itomong Ámanzo 28:28

“Kamok anong, mi shim yin tú ren yin ye Adakunom n tom itak kashesh wu nufe áner aya a ta nye áner aYahuda baꞌ. Ba tà wesek kuto.”

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

Itomong Ámanzo 6:7

Ánerawe dide̱ng ti barang kufok rife̱ Adakunom ma áfikuus ti barang kute whe̱re̱ koakye katuk kaye̱e̱r aUshalima. Átsi aner aYahuda whe̱re̱ ti barang kushan rife̱ Adakunom.

Itomong Ámanzo 9:13

Amma Ananiya fe̱ ye, “Agwo̱m Ágwo̱m, ánerawe whe̱re̱ min taas itak aner na be kuri kunyeen a tá nyeen ázhe̱l'e na aUshalima.

Itomong Ámanzo 9:22

Amma Ashawulu ti barang kurasak ne akpa agap ne a sak áner aYahuda aya a tase na aDamaskus tá te titak kamok wu tá ya kasho̱o̱n kufe̱ ye aYeso ne a nye aKiristi.

1 aKoranti 15:3

Agbang ike̱ng iya mi ta shim ta ka tak yin, se ye aKiristi ku kamok rine̱n yir, kyo̱ndi kufumung rife̱ Adakunom ta fe̱,

aGalati 2:5

Amma yir wor i tu ku shim yir ba'me ko cie̱k baꞌ, nong ase̱ katsak Rife̱ Ritek aKiristi'me ta se mak be yin.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aGalati 6:11

Di yin kuri izibir'i igbang'e mi ta ka zibir yin'e be kubo̱k'i.

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

1 aTasalonika 2:2

Amma kyo̱ndi yin tá ren yin ye yir so̱ yir risam ne á ni kas yir na aFilipi gip be anong Adakunom yir ti tsesek yir nong tá ka tak yin Rife̱ Ritek wu, cei be kuri amaan rishishim á tá shishim yir.

1 aTimoti 1:18

aTimoti, igon'i, mi ta no̱o̱k itabak na be agbang kuto̱ nong ta shining iriri kuzarap a tá nye natoon wan. Kamok ke wan kuus rife̱ na wan ta kyem iko̱n, wan ta ko̱n kuren'e kutek kyo̱ndi asozha aYeso,

1 aTimoti 6:12

Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi.

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

aTitus 1:4

Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.

Ibrani 13:22

Kusuk yin ároneng, sok yin itabak mi ta ka zibir yin'e na be riye̱ ricaang kamok mi ta zibir yin'e cie̱k tsek.

Ibrani 6:9

Ároneng, yir fe̱ yir anong gye̱rtatan, amma yir no̱o̱k yir katsak ye yin ta se yin anong baꞌ, yin ta se̱ yin ritek ike̱re̱ iya i ta nye ife kuse̱ kashesh.

1 aBitrus 5:12

aSila aya mi tú ku sok kyo̱ndi aroneng aya mi ta di a be katsak ne a ti se̱ mo i tá ka zibir yin kaban kufumung na nong ase̱ ta ka tsesek yin ne i ka tak yin ye iyu na ne i nye ritek Adakunom rife̱ katsak. Nyeseng yin be agap natoon'e.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

2 aBitrus 2:21

I nar ke ba fa tsang á ren iren katsak'e baꞌ ingya, be á tana ren ne á ra bun a won Itsi Adakunom izhe̱l'e a tá tsang a ka no̱o̱k ba.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

aZhud 1:17

Amma yin, ároneng áya mi ta shim, yiring yin be ike̱re̱ iya ife ámanzo Agwo̱m Ágwo̱m yir aYeso Kiristi tá tsang á fe̱ gbugbang.

aZhud 1:20

Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.