aZhud 1:25 - Izere New Testament

²⁵ Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.

aZhud 1:25 Iomraidhean Croise

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aLuka 1:47

Ne kabik'i nye riye̱ rikan be Adakunom aner kashesh'i.

aYohana 4:22

Yin áfe aSamariya, yin ya yin ike̱ng ife yin tu ku ren yin baꞌ iben, amma yir ya yir aner afe yir ta ren yir iben, kamok kashesh na ne nufe afe aYahuda.

aYohana 5:44

Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

aRom 11:33

Katsak'e, kutsik kuren kukyem Adakunom ne kuren ike̱ng wu be igak baꞌ. Angan ta kyem a ren iren wu ta nye ike̱re̱ wu ne iren wu tu ku gosok e̱?

aRom 11:36

Kamok wu ne a nye koakye ike̱ng, ne koakye se nubo̱k wu, a nye koakye kamok rice wu. Kuyiik nye kufe Adakunom ma izen izen. Anong!

aRom 16:27

Won Adakunom aya a ta ren koakye tu se̱ kuyiik kaye̱e̱r aYeso Kiristi ma izen izen. Anong!

Afisa 1:8

riya a tin no̱o̱k yir nawarak be kukyem ne kuren ike̱ng cice̱r.

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

Afisa 3:21

Kuyiik nye kufu kaye̱e̱r ikilisiya be kaye̱e̱r aYeso Kiristi ma izam izam cice̱r ma izen izen. Anong.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

1 aTimoti 2:3

Anong se gye̱r, Adakunom a ta nye Aner Kashesh yir fok kusas anong dide̱ng.

aTitus 2:10

ka á ta ka nye ba itsang baꞌ. Amma á ra ban á tonong ye ba se gye̱r ne á be katsak kaye̱e̱r koakye, nong ase̱ kaye̱e̱r koakye iren ba tà tonong ye kubo̱so̱p rife̱ Adakunom Aner Kashesh yir se yiik.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aTitus 3:4

Amma nizen iya a tin tonong yir ritek ne kushim Adakunom Aner Kashesh yir,

Ibrani 13:8

aYeso Kiristi afe kure be afe katuur ne afe izen izen se azining, a shishing nigaan'e baꞌ.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

Ike̱ng a ta tonong aYohana 1:6

Wu ne a bun a tin sak yir i ta te yir áner aya wu tin nye rigwo̱m ne i te yir átsi kunye Adakunom a ta nye Ada itomong. Kamok anong won kuyiik be kukyem tu sor kufu ma izen izen. Anong!