aZhud 1:24 - Izere New Testament

²⁴ To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

aZhud 1:24 Iomraidhean Croise

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

aRom 14:4

Wan nye angan tana to̱ asam akak amok e̱? Asam'me tu nye itomong itek, ka a tu won dar a nye, iyong nye itomong atekasa wu. A tà nye itomong itek kamok Agwo̱m Ágwo̱m tu ku se̱ mo a ta nye itomong'e.

aRom 8:31

To̱, iyong yir tà fe̱ yir ane̱ natoon ike̱re̱ na e̱? Ke Adakunom se mak be yir, akye̱ ti daam yir ke a ti ra yir e̱?

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

2 aKoranti 4:14

Kamok yir ren yir ye aner aya a ta dorok Agwo̱m Ágwo̱m yir aYeso kaye̱e̱r kure̱k, a ta bun a tin dorok yir mak be wu, ne a bun a tseng be yir nasho̱o̱n wu mak be yin.

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

Afisa 3:20

Kuyiik nye kufe wu aya a ta kyem a nye koakye be ike̱re̱ iya yir tana ku rip yir ne iya yir tanin nye yir kuto̱ro̱ng.

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

2 aTimoti 4:18

Agwo̱m Ágwo̱m tin shesh kaye̱e̱r koakye kuri ike̱ng imaan'e i tana be̱ ne á tseng be mi gye̱k gye̱k ma kaye̱e̱r kasa rigwo̱m wu kaye̱e̱r kaza. Won kuyiik tu nye kufu ma izen izen! Anong.

aYakub 2:10

Koangan ne a tin sak riye̱ nitsi, amma a ta won izining kaye̱e̱r'e, a shorop ribir'e cice̱r.

1 aBitrus 4:13

Amma ban i nye yin riye̱ rikan, kamok yin ta gung yin rice be aKiristi kaye̱e̱r risam wu. Yin ta nye yin riye̱ rikan dide̱ng nizen iya a tana tonong kuyiik aKiristi'me.

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.

Ike̱ng a ta tonong aYohana 14:5

A kun fok akak ba be abo̱o̱s nanu wu baꞌ, kamok ba be rine̱n baꞌ.