aZhud 1:20 - Izere New Testament

²⁰ Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

aZhud 1:20 Iomraidhean Croise

Itomong Ámanzo 15:9

Sang Adakunom ti tonong ye yir áner aYahuda se yir ze̱e̱r be ba baꞌ, a sak aye̱ ba te zhe̱l kamok ba ti no̱o̱k katsak.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 6:7

Ánerawe dide̱ng ti barang kufok rife̱ Adakunom ma áfikuus ti barang kute whe̱re̱ koakye katuk kaye̱e̱r aUshalima. Átsi aner aYahuda whe̱re̱ ti barang kushan rife̱ Adakunom.

Itomong Ámanzo 9:31

Be anong áfikuus aya a tá se niben aYahuda ne aGalili be aSamariya tá ra ma fok kusas kusor. Afikuus ti barang kukpa agap, ne Kabik Kazhe̱l'e ka no̱o̱k ba ifeng ma a nye ne á ni barang kute whe̱re̱, nizen iya á sor kaye̱e̱r inyim Agwo̱m Ágwo̱m.

aRom 15:2

Won koangan kaye̱e̱r yir tu kare̱p afegbak wu riye̱ kamok i se gye̱r anong be wu ne i ku barang mo agap kaye̱e̱r kuno̱o̱k katsak.

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

1 aKoranti 10:23

“Mi ta kyem i nye koakye mi ta shim,” sang koakye ne i se gye̱r baꞌ. “Mi ta kyem i nye koakye mi ta shim,” sang koakye ne i ta ra be̱e̱n kuya kasho̱o̱n baꞌ.

1 aKoranti 14:15

To̱, akye̱ ne mi ta nye e̱? Mi tà nye aduwa nabik'i, ne i bun i nye be riye̱ mi. Mi tà bom abom kukerek Adakunom be kabik'i, ne i bun i bom be riye̱ mi.

1 aKoranti 14:26

Ároneng, ike̱ng mi tin fe̱ natoon'e se ye, nizen iya yin nyim yin, ke akak se be abom kukerek Adakunom, ne akak sen bo̱so̱p ánerawe'me, ne akak fe̱ ike̱ng iya Adakunom tu ku tonong, ne akak sen fe̱ ni írem iduk, ne akak kirik ike̱ng iya a ta fe̱. A ra nye koakye nong a tin no̱k áfikuus kaye̱e̱r kabik.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

Afisa 4:16

Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

Afisa 4:29

Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aKolosi 2:7

Nyeseng yin be agap natoon wu, a ta nye ribor'e ne i ni barang yin kurasak kaye̱e̱r kuno̱o̱k katsak yin, kyo̱ndi a tá ka bo̱so̱p yin'e ne i tonong yin riye̱ rikan dide̱ng.

1 aTasalonika 5:11

Kamok anong ya yin kasho̱o̱n be kutsesek yin áfudang yin ne i naka berek yin kyo̱ndi yin ta nye yin.

1 aTimoti 1:4

Ku tak ba ye á ra won ku foos atin natoon átukop ba agbugbang'e ne ku kuus á ye̱re̱k ba dar igak. Kunye anong ti barang nanaan tsek sang ku tà be̱e̱n kuya kasho̱o̱n kanye̱k Adakunom kuya a ta se̱ kamok kuno̱o̱k katsak.

2 aTimoti 1:5

Mi yiring be kuri kuno̱o̱k katsak kufe katsak kuya wan ta be, kuri kufe akaka wan aLoyis ne kufe ango̱ wan, aYunis, mi no̱o̱k katsak ye wan be kuri'me gip.

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

aYakub 2:22

yin di yin kuno̱o̱k katsak wu, be itomong wu, ta tseng mak, ne kuno̱o̱k katsak wu shining be ikeng iya wu ta nye.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.