aYohana 5:3 - Izere New Testament

³ Azong kaye̱e̱r abur'e ne áfe iro̱k mereng, ákpato̱o̱n be ákparo̱ng ne áfe a ta we̱ abas azining.

aYohana 5:3 Iomraidhean Croise

aMatiyu 15:30

Ánerawe whe̱re̱ be̱s nufu. Á be̱s be ákun be ákpato̱o̱n ne ágbanu be áfe iro̱k whe̱re̱. Á be̱s'e nasho̱o̱n wu ne wu ku sak ba á ta te atser.

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aLuka 7:22

Ne a fe̱ be áner a tú ku tom ba ame ye, “Ku bun yin, ta su ku tak yin aYohana ike̱re̱ yin tá di yin ne i foos yin, akpato̱o̱n se̱ kudi karo̱, ne ákun tseng gye̱r, ákparo̱ng te atser, ágbato fok kuto, ikom dorok be kutser, ne a taas áfe rizor Rife̱ Ritek.

aYohana 5:2

To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha.

aYohana 5:4

Be anong ne ba tor a ta be̱ a buruk ashi. Kamok nizen ikak amaleka man ne a tiik nong a ta be̱ buruk ashi'me. Kum aner aya afe a ta san i no̱ nashi'me, nama a tan buruk, ne a wor a te atser kaye̱e̱r kuro̱k wu.

aRom 8:25

Amma ke yir min te yir riye̱ nike̱ng iya sang yir tan se̱ yir nizham baꞌ, yir naka tsesek yir ta tor yir.

aYakub 5:7

Ároneng, kamok anong na ka tsesek yin ma nizen kunom tana be̱. Yin di yin aner ikap ta tor riko̱ ta te naya natek be a ta na ka tsesek kum be iza kushik ma ishamang.