aYohana 3:3 - Izere New Testament

³ Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 3:3 Iomraidhean Croise

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

aMatiyu 19:24

Mi bun i fe̱ be yin gbak ye, i ta se we̱e̱r we̱e̱r arakumi tana gor ni izobok kufe̱r be arum tana no̱ kaye̱e̱r rigwo̱m kaza.”

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 5:18

Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.

aMarkus 10:14

aYeso tá fa di anong, yong a nye riye̱ riwe, a fe̱ be álimazhiri'me ye, “Won yin inoon nazhizhe̱k'e tu be̱s nunaan, sang tu ku roon yin ba kube̱ baꞌ, kamok rigwo̱m Adakunom nye rife̱ áner kuri áyuna.

aMarkus 9:47

Ke rinyisi wan ta sak wan ta nye rine̱n, ne i tun. I ta ka nar tana no̱ kaye̱e̱r rigwo̱m Adakunom be rinyisi rizining be a tana ka barak kaye̱e̱r kuro̱ng be anyisi afa,

aYohana 1:13

Sang inoon naya a tá tes kuri rife rinerawe baꞌ, ka kaye̱e̱r kushim kuro̱m tsek baꞌ, ka nushim aner tsek baꞌ, amma Adakunom be rice wu ne a nye Ada ba.

aYohana 1:5

Akanang'e ya kaye̱e̱r awhi, amma awhi'me tú ku ren baꞌ.

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aYohana 12:40

“A sak ba tá te ákpato̱o̱n'e, ne a whe̱e̱n aye̱ ba, fan á bu ye̱re̱k be anyisi ba, ne á ren be aye̱ ba, fan á bu kirik nunaan nong mi tà ka sak ba á tá te atser.”

aYohana 3:4

Ne aNikodimus ku rip ye, “Ane̱ ne a ta bun a tes anerawe aya a tan te asho̱n'e e̱? A ta san'e ane̱ a ta bun a no̱ nafa ango̱ wu nong a ta bun a tu ku tes kutes kufe afa e̱?”

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

aTitus 3:5

a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.