aYohana 2:4 - Izere New Testament

⁴ Iyong aYeso fe̱ be wu ye, “Ango̱, akye̱ sak wan fe̱ be mi e̱? Izen'i n nye baꞌ.”

aYohana 2:4 Iomraidhean Croise

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

aMatiyu 8:29

Á ta kukun nizen izining ye, “Igon Adakunom, wan tse̱r akye̱ be yir e̱? Wan m be̱ tin no̱o̱k yir risam nizham izen'e ta ra nye a?”

aLuka 2:49

Ayong a tú ku rip ba ye, “Akye̱ sak yin tsang i ni tse̱r yin e̱? Yin ren yin ye gye̱r ke mi se nasa Ada mi aꞌa?”

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 2:3

Ashi anap tá fa gang, yong anyining aYeso fe̱ be wu ye, “Ashi anap ba n gang cei.”

aYohana 20:13

Ne ámaleka ame tú ku rip ye, “Anyiningkasa, akye̱ sak wan tos e̱?” Ne wu fe̱ be ba ye, “An sok kukom aYeso Agwo̱m Ágwo̱m mi, mi ren karo̱ kaya a tú ku sak baꞌ.”

aYohana 20:15

Ayong aYeso tú ku rip ye, “Anyiningkasa, akye̱ sak wan sen tos e̱? Wan tse̱r angan e̱?” Wu sor ye a nye aner a tin sak riye̱ riko̱'me, ayong ne isak a fe̱ ye, “Atekasa, ke wan ne i tú ku sok ne ni tak karo̱ kaya wan tú ku sak nong mi tá su ku sok.”

aYohana 7:30

aYeso tá fa fe̱ anong yong ánerawe ame shim a tú ku yiir. Amma akak kyem a ti sak kubo̱k ni wu baꞌ, kamok izen wu tsang i nye baꞌ.

aYohana 7:6

Kamok anong aYeso fe̱ be ba ye, “Izen'i n nye nizham baꞌ, amma nufe yin, koakye izen se gye̱r tsek.

aYohana 7:8

Yin tseng yin naro̱ riye̱ rikan'e tsek. Mi tà tseng naro̱ kunye riye̱ rikan'e kyo̱o̱rna baꞌ, kamok izen'i n nye nizham baꞌ.”

aYohana 8:20

aYeso fe̱ rife̱ na nizen iya a tá se be kubo̱so̱p kaye̱e̱r agbang kutu kuya Adakunom iben, bubarak be karo̱ a tú ku saas abeko. Amma gip be anong, ko akak tú yiir baꞌ, kamok izen wu tsang i nye baꞌ.

2 aKoranti 5:16

Kamok anong, yir baꞌ, sen ye̱re̱k yir akak be kuse rinerawe baꞌ. Gip be i ta tsang i ye̱re̱k yir aKiristi anong, i ba ru ku ye̱re̱k yir anong baꞌ.