aYohana 1:10 - Izere New Testament

¹⁰ Rife̱'me se kaye̱e̱r kazatse gbugbang, kamok be wu ne a tin nye kazatse, gip be anong kazatse'me tu ku ren baꞌ.

aYohana 1:10 Iomraidhean Croise

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

1 aKoranti 2:8

Akak kaye̱e̱r ágwo̱m izam iyu kyem a ren kukyem'me baꞌ, ke á fa fe̱ ye ba ren ke ba tigak Agwo̱m Ágwo̱m yir a ta se yiik baꞌ.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

Ibrani 11:3

Natoon kuno̱o̱k katsak ne yir ti ren yir ye a nye kazatse be rife̱ Adakunom. Kamok anong, a nye ike̱re̱ yir tá di yir kaye̱e̱r kazatse na be ike̱re̱ iya sang yir ta di yir be anyisi yir baꞌ.

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aYohana 1:5

Akanang'e ya kaye̱e̱r awhi, amma awhi'me tú ku ren baꞌ.

Itomong Ámanzo 14:17

Gip be anong, Adakunom tonong katsak natoon rice wu kaye̱e̱r ike̱re̱ itek iya wu ta nye. A ta nyesek yin iza kaye̱e̱r kuse kutek wu ne a sak naya te nishamang. A ta nyesek yin naya kuya ne a sak aye̱ yin ta kare̱p.”

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”

aYohana 1:3

Be wu ne a nye koakye ike̱ng, ike̱ng ikak kuse ife a tá nye dar wu baꞌ.

aYohana 1:11

A be̱ nufe iya i tá nye afu, amma áfu'me tu ku shan baꞌ.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

aKolosi 1:16

Kamok be wu ne Adakunom nye ike̱re̱ cice̱r, iya i ta se kaye̱e̱r kaza be iya i ta se kaye̱e̱r kazatse, iya a ta di be iya sang a ta kyem a di baꞌ. Be wu ne Adakunom nye koakye ike̱ng i ta be kukyem kaye̱e̱r kaza, be áko̱k kasho̱o̱n ne áfe rigwo̱m cei ne ike̱re̱ Adakunom tá nye cice̱r, a nye mak be wu ne kamok wu.