aYakub 5:7 - Izere New Testament

⁷ Ároneng, kamok anong na ka tsesek yin ma nizen kunom tana be̱. Yin di yin aner ikap ta tor riko̱ ta te naya natek be a ta na ka tsesek kum be iza kushik ma ishamang.

aYakub 5:7 Iomraidhean Croise

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 24:27

Kyo̱ndi akanang ta samang nabas kunom tu ku wuruk ma nabas rikpa kunom, anong ne kube̱ Igon Anerawe ta se.

aMatiyu 24:44

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

aLuka 18:8

Won ta ka tak yin, a tà di ma ba se̱ katsak ba ta shim zizirik. Ke Igon Anerawe be̱, a tà se̱ áfe kuno̱o̱k katsak nazatse a?”

aLuka 21:27

Nizen iyong ne á tà di Igon Anerawe ta saase kaye̱e̱r ane̱n be kukyem ne kuyiik dide̱ng.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aYohana 21:22

Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.”

aYohana 21:23

Kamok anong, itak na te shaam kaye̱e̱r áfikuus aYeso ye alimazhiri ayong tà ku baꞌ. Sang aYeso fe̱ ye a won dar a ku ba'. Amma a fe̱ ye “Ke mi tú ku shim be anong, a ta sor be kutser ma izen iya mi tana bun i be̱, akye̱ wan azong e̱?”

aRom 15:4

Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

1 aKoranti 1:7

Kamok anong yin dun yin kunang kabik ta nyesek baꞌ, yin ta sen tor yin kube̱ Agwo̱m Ágwo̱m yir aYeso Kiristi be ifeng.

aGalati 5:5

Yir te yir riye̱ ye Adakunom ta sak yir ta te yir azhe̱l'e ike̱ng ife i ta sak yir ta tor yir nye Kabik Adakunom kaya ka ta nye itomong kaye̱e̱r kuno̱o̱k katsak yir.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

1 aTasalonika 2:19

To̱, akye̱ ne i nye ike̱ng kute riye̱ yir ka ike̱ng riye̱ rikan yir ka ike̱ng yir tanin tsor yir kafok katuk kube̱ Agwo̱m Ágwo̱m yir aYeso Kiristi e̱? Aser, sang yin aꞌa?

1 aTasalonika 3:13

Won wu tu sak yin tu nyeseng yin be agap kaye̱e̱r aye̱ yin ne i sor yin zhe̱l, fan ákak bu fe̱ ike̱ng ikak imaan'e natoon yin nasho̱o̱n Ada yir Adakunom nizen Agwo̱m Ágwo̱m yir tana bun a be̱ mak be ázhe̱l'e áfu cice̱r.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

aYakub 4:11

Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

aYakub 5:10

Ároneng, di yin Ku naka tsesek nizen risam, di yin áner kuzarap aya a ta fe̱ rife̱ riyerek Kunom.

aYakub 5:3

Atso̱m yin a ta yis ye azinariya be azurfa nbeseng. Kubeseng ba ta fe̱ rife̱ natoon yin, ne a ya rinam kuro̱m yin kyo̱ndi kurong. Yin tusung yin kurum kaye̱e̱r inom igang'e.

2 aBitrus 3:4

á tà fe̱ ye, “aYeso fe̱ ye wu tá be̱ ne̱ e̱? To̱, ayong a se ake̱ e̱? Kum ne átukop yir ru nye atser, iyu koakye rusek kyo̱ndi i ta se kum nizen a tá nye kazatse.”