aYakub 5:15 - Izere New Testament

¹⁵ Aduwa a ta nye kaye̱e̱r kuno̱o̱k katsak sak aner kuro̱k'e ta te atser. Agwo̱m Ágwo̱m tu ku dorok. Ke a tsang a nye rine̱n, a tu ku re̱ng'e.

aYakub 5:15 Iomraidhean Croise

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aYohana 5:14

Nama izen cie̱k aYeso su ku se̱ kaye̱e̱r agbang kutu kuya Adakunom iben, ne a fe̱ be wu ye, “Di wan te atser kyo̱o̱rna, won kunye rine̱n fan ike̱ng ikak iya i ta nar iyong imaan'e ba ka se̱.”

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

2 aKoranti 4:14

Kamok yir ren yir ye aner aya a ta dorok Agwo̱m Ágwo̱m yir aYeso kaye̱e̱r kure̱k, a ta bun a tin dorok yir mak be wu, ne a bun a tseng be yir nasho̱o̱n wu mak be yin.

aYakub 1:6

Amma izen iya ne a rip, a ra no̱o̱k katsak dim dar agak riye̱, kamok aner aya a ta be agak riye̱ se kyo̱ndi agung ashi isho̱ng kuwun ta kap.

aYakub 5:13

Akak yin se nudaam a? A ra nye aduwa. Riye̱ akak n kare̱p a? Won a tu bom abom ku tiyiik Adakunom.

aYakub 5:16

Kamok anong naka taas yin rine̱n yin, ne i naka nye yin aduwa nong a se ta te yin atser. Aduwa aner ajel'e be agap dide̱ng ne nye itomong.

aYakub 5:20

Yiring yin iyu, koangan ne a tu bun be aner rine̱n na amaan kunye wu, a tu ku shesh riku ne a kis rine̱n ri ta se gaan.