aYakub 5:11 - Izere New Testament

¹¹ Kyo̱ndi yin ta ren yin, yir sok yir áfe a ta na ka tsesek áfe awe̱ng. Yin n fok yin itak yin itak Ku naka tsesek Ayuba ne di yin ikeng iya Adakunom tu ku nye'me ni gang'e. Ada Adakunom be kuro̱ riye̱ ne kuse kutek dide̱ng.

aYakub 5:11 Iomraidhean Croise

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aLuka 1:50

Kuro̱ riye̱ wu se natoon áfe a ta fok inyim wu, ma izam izam.

aLuka 11:10

Kamok koangan afe a ta rip ne a tu ku no̱o̱k, afe a tà tse̱r a tà se̱, afe a ta rus kanukutu a tu ku karak'e.

aLuka 6:36

Be yin kuro̱ riye̱ kyo̱ndi Ada yin ta be kuro̱ riye̱.

aRom 2:4

Ka wan zhe̱e̱sh agbang ritek Adakunom be kutsesek wu ne kuse whiwhe̱ wu e̱? Wan ren ye ritek Adakunom tá sak wan tá shishing kuse wan aꞌa?

Afisa 1:6

A nye anong, nong yir tà kerek yir kuyiik ritek wu, riya wu tin no̱o̱k yir nawarak kamok Igon wu kaya wu ta shim.

Afisa 2:4

Amma Adakunom be kuro̱ riye̱ dide̱ng, kushim wu natoon yir se makiyi,

Ibrani 10:39

Yir nye yir kuri áya a tana kubun kama ne á wei baꞌ, amma yir min no̱o̱k yir katsak, a min shesh yir.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

aYakub 1:2

Aroneng, sok yin be riye̱ rikan, izen iya yin no̱ yin ni iriri kubo̱mo̱ng.

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

1 aBitrus 3:14

Amma ko yin fa so̱ yin risam kamok kunye kutek, yin ta se̱ yin ritek Adakunom. Kamok anong, sang tu fok yin inyim áya a tana ka no̱o̱k yin risam baꞌ, sang tu te yin febek baꞌ.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.