aYakub 4:7 - Izere New Testament

⁷ No̱o̱k yin Adakunom rice yin, kam yin be Ishetan nong wu ta kam be yin.

aYakub 4:7 Iomraidhean Croise

aMatiyu 11:29

Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

Itomong Ámanzo 26:19

“Kamok anong, Adagwo̱m, mi won dar i nye ike̱ng iya a tin tonong naza baꞌ.

Itomong Ámanzo 9:6

“Dorok nong ta no̱ kaye̱e̱r kuwo̱p nong a tà ka tak ike̱ng iya wan tana nye.”

aRom 10:3

Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.

aRom 14:11

Kamok i se ni izibir ye, “Agwo̱m Ágwo̱m fe̱ ye, ‘Mi shu ye, koangan ta tigbok akuur nasho̱o̱n'i, koangan ta fe̱ be kanu wu ye mi ne i nye Adakunom.’ ”

Afisa 4:27

Sang tu no̱o̱k yin Amaan Aner iren, ko cie̱k baꞌ.

Afisa 5:21

Naka foos yin kamok kuyiik aKiristi.

Afisa 6:13

Kamok anong, te yin ares itsom kuri áfe Adakunom cei nong ase̱ ta kyem i nyeseng yin katuk amaan kunom'ong, nong ke yin gang yin koakye ne a ka se̱ yin nunyeseng kpa.

Ibrani 12:9

Yir be yir áda yir áfe kuro̱m áya a tin nees yir, iyong ne i sak yir ta ka di yir ba yiik. Fa gye̱ ke yir tiyiik yir Ada yir afe Kabik a ta be kutser ne i nar yir aꞌa?

1 aBitrus 2:13

Kuus yin koakye kuri rigwo̱m kaye̱e̱r kazatse na kamok Agwo̱m Ágwo̱m. Kuus yin rife̱ agbang agwo̱m yin kamok wu ne a ti nye rigwo̱m natoon koangan.

1 aBitrus 5:6

Kamok anong, mees yin rice nubo̱k Adakunom ayiik'e nong a ta ka tiyiik yin nizen iya a ta shim.