aYakub 4:6 - Izere New Testament

⁶ Amma a ti barang ku ni nye yir ritek, kamok anong ne rife̱ Adakunom fe̱ ye, “Adakunom shim afe kuka baꞌ, amma a nye afe a ta mees rice ba ritek.”

aYakub 4:6 Iomraidhean Croise

aMatiyu 13:12

Aner afe a ta be ike̱ng, a tú ku barang mo, nong i ta se̱ whe̱re̱. Aner afe a ta be baꞌ, cie̱k wu ta be'me gip, a tin shan ni wu.

aMatiyu 23:12

Koangan afe a ta sok rice naza, a tà te be wu fe̱re̱. Amma aner aya ne a ta mees rice wu a tù ku tiyiik.

aLuka 1:52

A tisik ágwo̱m natoon ítsik rigwo̱m ba, a tiyiik áfe a ta mees rice.

aLuka 14:11

Kamok koangan ne a mees rice wu a tú ku tiyiik, aner aya ne a sok rice naza a tà te be wu fe̱re̱.”

aLuka 18:14

“Ne aYeso fe̱ be ba ye, mi tà ka tak yin afe ku shashang itso̱m iben'ong tú bun kari an te zhe̱l nasho̱o̱n Adakunom, Sang aner aFarisi ame baꞌ. Koangan ne a tiyiik rice wu a ta te be wu fe̱re̱, aner aya a tá mees rice wu a tu ku tiyiik.”

aYakub 4:10

Mees yin rice yin nasho̱o̱n Kunom Wu ta ka tiyiik yin.

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”