aYakub 4:11 - Izere New Testament

¹¹ Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

aYakub 4:11 Iomraidhean Croise

aLuka 6:37

“Sang tu to̱ yin akak amok baꞌ, fan a ba ka to̱ yin'e. Sang tu te̱n yin akak amok baꞌ, fan a ba ka te̱n yin'e. Re̱ng yin ákak rine̱n ba, nong a tà ma ka re̱ng yin rife̱ yin.

aRom 2:1

Kamok anong, wan be ike̱ng kufe̱ baꞌ, wan afe i ta to̱ akak amok. Be ike̱ng ife wan tin to̱ akak amok'e, wan naka to̱ amok'ong kamok wan nye ike̱re̱'ong.

aRom 2:13

Sang áya a foos Itsi ne a se gye̱r nasho̱o̱n Adakunom baꞌ, amma áya a ta kuus ike̱ng iya Itsi'me tá fe̱, ne a se gye̱r nasho̱o̱n Adakunom.

aRom 7:7

To̱, iyong yir ta fe̱ yir ane̱ makong e̱? Itsi nye rine̱n a? Ko cie̱k, katsak'e, a fa fe̱ ye Itsi baꞌ, sang ke mi ren ike̱ng iya i ta nye rine̱n baꞌ. Ye kamok Itsi ta fe̱ ye, “Sang tu shishim ike̱ng akak baꞌ,” ke mi ren ike̱ng iya a tá yis ye rishishim baꞌ.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

Afisa 4:31

Kam yin be koakye kuri riye̱ riwe be riye̱ rife ne riye̱ kubeseng be kuren be ritok ne koakye kuri amaan kunye.

1 aTimoti 3:11

Anong ne ányining ádikon'e, á ra nye aner a ta be kuyiik sang áya a ta be imok baꞌ, amma áya a ta yiir rice ba ne á be katsak kaye̱e̱r koakye.

2 aTimoti 3:3

ne a te dar ku naka shim, ne á naka be kaye̱e̱r aye̱, ne á te áfe kubeseng ayerek ánerawe, ne á te dar kuyiir rice ne á fe̱ hash ne á te awan rishishim ne á raba koakye ike̱ng itek,

aTitus 2:3

Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.

aYakub 1:16

Aroneng'i, tu won a ta ka wo̱ro̱k yin baꞌ.

aYakub 1:19

Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.

aYakub 1:25

Amma aner aya ne a ye̱re̱k itsi iya i ta se gye̱r ife i ta be̱e̱n kusor ne̱k, ne a yiir kunye anong, a tiburum ikeng wu ta fok baꞌ, amma a yiir nye'me, a tu ku te awe̱ng natoon ikeng wu ta nye.

aYakub 2:8

Ke yin sak yin agbang itsi iya i ta se kaye̱e̱r Kufumung Adakunom naye̱ ye, “Shim aner agbak wan kyo̱ndi rice wan.” I se gye̱r anong.

aYakub 5:10

Ároneng, di yin Ku naka tsesek nizen risam, di yin áner kuzarap aya a ta fe̱ rife̱ riyerek Kunom.

aYakub 5:7

Ároneng, kamok anong na ka tsesek yin ma nizen kunom tana be̱. Yin di yin aner ikap ta tor riko̱ ta te naya natek be a ta na ka tsesek kum be iza kushik ma ishamang.

aYakub 5:9

Ároneng, tu fe̱ yin iriri rife̱ nace yin baꞌ, ke anong baꞌ, a ta ka to̱ yin amok. Aner ku to̱ amok'e mbe̱ bubarak.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.