aYakub 3:6 - Izere New Testament

⁶ Irem gip i nye kurong, i nye ritin amaan kunye kaye̱e̱r ikap kuro̱m, i beseng aner, i te kutser anerawe kaye̱e̱r kasa kurong. Wu be rice wu i tana ka te kaye̱e̱r kasa kurong.

aYakub 3:6 Iomraidhean Croise

aMatiyu 12:24

Nizen áner aFarisi tá fa fok anong, iyong á fe̱ ye, “Be kabik aBazabul agwo̱m ítseng ne aner na ti turung amaan nabik'e.”

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMarkus 7:15

Sang ike̱ng iya i ta ne nufang, i ta no̱ nanu anerawe ne i tù ku sak a tà won dar a se zhe̱l baꞌ, amma iya i ta wuruk nanu wu ne i tù ku sak a tà won dar a se zhe̱l.

aLuka 16:24

Ayong a tá kuto̱ a tá yis ye, ‘Ada Ibrahim, ro̱ riye̱ mi. Tom aLazarus nong a tin te kabanbo̱k wu kaye̱e̱r ashi nong a tà be̱ a tin shu mo kuto̱, kamok mi se na amaan risam kaye̱e̱r kuro̱ng.’

Itomong Ámanzo 20:30

Kaye̱e̱r yin gip, ákak tà dorok nong á ta buruk katsak'e nong ase̱ áfikuus akak tà ka kuus ba.

Itomong Ámanzo 5:3

Ayong aBitrus fe̱ be wu ye, “Ananiya, akye̱ sak wan won Ishetan tá no̱ kaye̱e̱r riye̱ wan ma a tá ka sak wan bo̱ Kabik Kazhe̱l'e abo̱o̱s i tá sak ribir itso̱m karo̱ wan tá re̱p nukim e̱?

Itomong Ámanzo 6:13

Ayong áko̱k kasho̱o̱n anerawe ame be̱s be naborok nakak ye, “Aner na koakye izen a yiir i fe̱ kpe̱de̱ng be azhe̱l karo̱ na ne natoon Itsi aMusa.

aTitus 1:11

Wan ta roon áfe kubo̱so̱p kuri kufe abo̱o̱s'ong dim, kamok á tsang á beseng ánerawe na nasa ba be kubo̱so̱p ike̱ng iya i ta se gye̱r ke ba bo̱so̱p ánerawe'me baꞌ, nong á ta se̱ ike̱ng iya ba ta shim tsek.

aYakub 2:7

Sang ba ne á nye aya a ta beseng riyerek wu riyiik'e, riya a ta ka yis yin mo aꞌa?

aYakub 3:7

Peer iriri ikewum, nanon, ikeng i ta tseng be nafa be ike̱re̱ kaye̱e̱r ashi te caang, a ma ka sak ba a ta te caang dar inyim anerawe.

2 aBitrus 3:3

Agbang ike̱ng mi ta shim yin tu ren yin ye kaye̱e̱r inom igang'e, áner ákak á tana nye áfe zhe̱e̱sh karo̱ tà wuruk ne á nye ámaan ike̱re̱ aye̱ ba ta shim. Á tà ka mas yin,

3 aYohana 1:10

Kamok anong ke mi be̱, mi tà ko̱ro̱k ánerawe kuto natoon kuri abo̱o̱s aDiyotirifes'e ta tsang a bo̱s natoon yir. Sang anong tsek baꞌ, a rawu kushan áronyining yir áya a ta sen nye itomong Adakunom. Ne a roon ákak kushan ánerawe'me gip, ma a ta ro ba kaye̱e̱r ikilisiya.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 18:23

Akanang ta ba ya kaye̱e̱r kuwo̱p'e baba baꞌ. A tà ba fok akak ta sen nye riye̱ rikan kuwe̱ne̱ng kufas baba baꞌ. Agbang ázhik wan ne á nye ágbang áner kaye̱e̱r kazatse. Wan ne i bun i wo̱ro̱k ánerawe kazatse be kubok wan.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.