aYakub 3:17 - Izere New Testament

¹⁷ Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

aYakub 3:17 Iomraidhean Croise

aMatiyu 23:28

Anong ne yin se yin, nasho̱o̱n ánerawe, yin se yin kyo̱ndi áner átek nasho̱o̱n Adakunom, amma kaye̱e̱r aye̱ yin, yin nye yin akardak'e be amaan kuse.

aMatiyu 5:8

Áner riye̱ rikan ne á nye aner aya aye̱ ba ta se zhe̱l, kamok ba ne a tà di Adakunom.

aMatiyu 5:9

Áner riye̱ rikan ne á nye aner aya a ta shim kugung rice, kamok a tù ku yis ba ye inoon Adakunom.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

aLuka 6:36

Be yin kuro̱ riye̱ kyo̱ndi Ada yin ta be kuro̱ riye̱.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 1:47

aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”

Itomong Ámanzo 11:24

aBarnabas nye aner a ta be kuse kutek be Kabik Kazhe̱l'e ne kuno̱o̱k katsak. Ánerawe dide̱ng ti barang kube̱s nufe Agwo̱m Ágwo̱m.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

aRom 12:18

Nye yin ike̱ng iya yin tana kyem i nye, ke ta kyem yin, to̱, ne i sor yin caang be koangan.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aRom 15:14

Ároneng, mi be rice mi ren ye yin be rice yin, yin be yin kuse kutek dide̱ng ne i ren yin ike̱ng dide̱ng ma i kyem i naka bo̱so̱p yin'e.

1 aKoranti 12:8

Kabik Kazhe̱l'e kazining ne a no̱o̱k akak kukyem, ne a no̱o̱k akak kuren ike̱ng.

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

2 aKoranti 6:6

Yir sor yir kusor kuzhe̱l'e ne kuren ike̱ng be kutsesek ne kuse kutek be kusor kaye̱e̱r Kabik Kazhe̱l'e ne kushim kufe katsak,

2 aKoranti 7:11

Ye̱re̱k yin ta di yin, ike̱ng iya ife riye̱ riwe kuri rife̱ Adakunom'me ta ka be̱e̱n yin kaye̱e̱r aye̱ yin. Ri ta ka be̱e̱n yin ifeng, be kutonong ye yin se yin gye̱r. Ri ta ka sak yin riye̱ kubeseng ne i bun yin te yin zhing. Ri ta sak yin ti te yin riye̱, ne ri ka be̱e̱n yin kudaam. Ri ta ka sak yin ta sor yin be kanye̱k ye ke a nees áya a tá taam. Be anong ne yin tonong yin ye ko nabas anyaka yin be yin rine̱n nitak na baꞌ.

2 aKoranti 9:10

Adakunom ne a nyesek aner ikap izha naya a tana tuus ne a ku no̱o̱k naya kuya. Kamok anong, Adakunom ta ka no̱o̱k yin izha naya nong tà tuus yin, wu ne a tà sak naya'me ta rasak. Wu ti barang ike̱ng yin ta be yin nong yin ta kyem i tobok yin áya a ta se kaye̱e̱r kutse̱r.

Afisa 5:9

(Ritek a ta se̱ nusor akanang nye kunye kutek be kusor kuzhe̱l'e ne kunye katsak)

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

1 aTasalonika 2:7

Amma yir se yir tatan be yin kyo̱ndi anyining inoon tin sak riye̱ ni inoon wu.

1 aTimoti 5:21

Nasho̱o̱n Adakunom ne aYeso Kiristi ne ámaleka a ta kasa, mi ta nye akusuk ye, i ra kuus ike̱re̱ mi ta fe̱ be wan na gye̱r gye̱r sang be kushim rice ka ku tonong ye wan shim akak ne i nar'e baꞌ.

2 aTimoti 2:24

I se gye̱r aner itomong Agwo̱m Ágwo̱m ta sor aner riwo̱ng baꞌ, a ra se gye̱r be koangan ne a nye aner a tana kyem a bo̱so̱p ánerawe'me sang afe riye̱ rife̱ baꞌ.

aTitus 1:15

Koakye se zhe̱l nufe áner aya a ta sok ye i se ázhe̱l'e. Amma ike̱ng ikak se zhe̱l nufe áya a be katsak ka áya a ta be agak riye̱ baꞌ, kamok kuto̱ro̱ng ba ne aye̱ ba se zhe̱l baꞌ.

aTitus 3:2

Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

Ibrani 12:11

Koakye kunees ro̱ nizen a ta nye kunees'e, amma nigang'e áner á ta ka nees ba'me sor kusor kutek ne á te zhe̱l.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

aYakub 2:13

Kamok koangan a ta se dar kuro̱ riye̱, Adakunom tu ku to̱ amok dar kuro̱ riye̱. Kuro̱ riye̱ be kusas riye̱ natoon amok.

aYakub 2:4

Iyu tonong ye yin tonong yin kushim rice aꞌa? Yin to̱ yin amok be amaan kuto̱ aꞌa?

aYakub 3:15

“Kukyem” kuyu ne naza baꞌ. amma kazatse, kuse jel baꞌ, kunye kufe amaan kabik.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

1 aBitrus 2:18

Yin ásam, kuus yin ike̱ng iya átekasa yin ta fe̱ be yin ne i ku no̱o̱k yin ba kuyiik koakye izen. Sang be áya a ta se gye̱r ne á be kuse kutek tsek baꞌ, amma cice̱r be áya a ta se hash gip.

1 aYohana 3:18

Inoon'i, yin aya mi ta shim, kushim yir tuse ni nanu tsek baꞌ, amma i nye yir ike̱ng iya i tana tonong ye yir naka shim yir be katsak.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.