aYakub 3:15 - Izere New Testament

¹⁵ “Kukyem” kuyu ne naza baꞌ. amma kazatse, kuse jel baꞌ, kunye kufe amaan kabik.

aYakub 3:15 Iomraidhean Croise

aLuka 16:8

“Atekasa'me kerek aner a tin sak riye̱ nike̱re̱ ame afe sang a ta be katsak ame baꞌ, kamok a tá nye ritse̱ng. Kamok ánerawe kazatse na se tse̱ng tse̱ng ninye ike̱ng ba be áfe a ta se kyo̱ndi ba ne a nar áfe a ta se na akanang.

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Itomong Ámanzo 13:10

“Wan nye igon Ishetan, wan shim ike̱ng iya i ta nye itek nigaan'e baꞌ. Wan mak i shim kuwo̱ro̱k ánerawe nong ta ka mo̱o̱r ba. Wan ta won kuburuk katsak rife̱ Adakunom aꞌa?

aRom 1:22

Ba sor ye ba be ritseng, amma á nye áfunam'e.

1 aKoranti 1:27

Adakunom kasa ike̱re̱ iya ánerawe ta di ye i nye rifunam nong a tin te áfe a ta be ritse̱ng kuri rife̱ kazatse isum. Adakunom kasa ike̱re̱ kazatse na ta zhe̱e̱sh nong a tin te áfe a ta be agap isum.

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

1 aKoranti 3:19

Kamok kukyem kazatse na nye rifunam nasho̱o̱n Adakunom kyo̱ndi i ta se ni izibir ye, “Adakunom yising áya a ta se tse̱ng tse̱ng kaye̱e̱r ritse̱ng ba'me.”

1 aKoranti 3:3

Yin ru be yin kuto̱ro̱ng rinerawe kamok yin ru be yin rishishim ne i ko̱ro̱ng yin. Aser, iyong tonong ye yin ru be yin kuto̱ro̱ng rinerawe aꞌa? Kunye kuyong nye kuse rinerawe aꞌa?

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

2 aTasalonika 2:9

Agwo̱m kushonong'e, tá be̱ be kunye ike̱re̱ kuri ife Ishetan, a tà nye ike̱re̱ azhing ne kukyem ne kubok be abo̱o̱s,

1 aTimoti 4:1

To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

aZhud 1:19

Áner na ne á be̱s be kaas ánerawe, á kuus ike̱re̱ kuro̱m tsek. Á be Kabik Adakunom baꞌ.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 2:24

Amma yin ribir'e, i ta se yin na aTiyatira, i ta kuus yin kubo̱so̱p wu baꞌ, yin bo̱so̱p yin ike̱re̱ iya á ta yis ye, Ike̱re̱ Ishetan i ta se tsik, baꞌ. Mi shim tà ka tak yin ye, mi ta ka no̱o̱k yin acer akak baꞌ.

Ike̱ng a ta tonong aYohana 9:11

Agwo̱m ba nye amaleka aya a tú ku no̱o̱k kukyem natoon ribong riya ri ta be igak baꞌ ame. Riyerek amaleka'me nirem áner Ibrani nye Abadon, nirem áner aHeleni nye Apoliyon, i ta sor ye, “Aner a ta beseng ike̱re̱.”