aYakub 3:13 - Izere New Testament

¹³ Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.

aYakub 3:13 Iomraidhean Croise

aMatiyu 11:29

Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

aMatiyu 5:5

Áner riye̱ rikan ne á nye aner aya a ta mees rice ba, kamok ba ne á tà ya kazatse.

aMatiyu 7:24

“Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

1 aKoranti 6:5

Mi fe̱ iyu nong ta fok yin isum. Aser, a ta kyem a se̱ akak kaye̱e̱r yin a tan kyem a ta to̱ amok ke kudaam ti no̱ kaye̱e̱r afikuus aꞌa?

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

2 aKoranti 8:24

Kamok anong, ku tonong yin ba kushim ne ike̱ng iya i ta sak yir tin ya yir kuka natoon yin nong áfikuus'e cice̱r ta di.

aGalati 5:23

be kuse whiwhe̱ ne ku yiir rice. Itsi ikak kuse i ta roon ike̱re̱ na baꞌ.

aGalati 6:1

Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.

aGalati 6:4

Koangan ra ye̱re̱k itomong wu a ta di, nizham a ta rin tsor kafok natoon'e, sang a tin maas rice wu be ife akak baꞌ.

Afisa 4:2

Mees yin rice yin ne i se yin tatan. Te yin ata naye̱ ne i naka be yin kaye̱e̱r kutatan kushim.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

1 aTimoti 6:11

Amma wan, aner Adakunom, kuteng ike̱re̱ na cei ni te rice wan ni itse̱r ike̱ng iya i ta se gye̱r nasho̱o̱n Adakunom, ike̱ng iya Adakunom ta shim, be kuno̱o̱k katsak ne kushim be ku naka tsesek ne kuse tatan.

2 aTimoti 2:25

A ra bo̱so̱p áya a ta gaar kubo̱so̱p wu'me whiwhe̱ kamok kashim Adakunom ta ka no̱o̱k ba iren kushishing kuse ba nong á ta ren katsak,

aTitus 3:2

Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

Ibrani 13:5

Kam yin be kuse kumak shim itso̱m, ne i ni fan yin nike̱ng iya yin ta be yin, kamok Adakunom fe̱ ye, “Mi ta ka won baꞌ, ko cie̱k mi ta ka barak nigaan'e baꞌ, ko cie̱k.”

aYakub 1:21

Kamok anong, kam yin be ike̱re̱ kurisik ne iriri anyas nong ta mees yin rice ta shan yin rife̱ a tan tuus naye̱ yin, riya ri tana ka shesh yin.

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.

aYakub 3:1

Aroneng, tu te yin afe kubo̱so̱p anerawe'me wher baꞌ, kamok yin ren yin ye yir afe i ta bo̱so̱p ánerawe'me, yir ne a tin to̱ yir amok be agap ne nar.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

1 aBitrus 1:15

Amma wu Adakunom afa a tá ka yis yin se zhe̱l, yin gip ma sor yin zhe̱l kaye̱e̱r koakye.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

1 aBitrus 3:4

Won izem yin tu ne kaye̱e̱r aye̱ yin ingya, izem i tana gang baꞌ kyo̱ndi kumees rice ne kuse tatan, iyong ne i nye iyiik'e dide̱ng nasho̱o̱n Adakunom.