aYakub 2:9 - Izere New Testament

⁹ Amma ke yin tonong yin kushim rice, i nye ye yin nye yin rine̱n, ne akak te̱n yin amok kyo̱ndi afe a ta shorop Itsi.

aYakub 2:9 Iomraidhean Croise

aYohana 16:8

Ke Aner Kutobok'e be̱, a tà te̱s rine̱n kazatse be ike̱ng iya i tana tonong kuse kuzhe̱l'e be amok Adakunom.

aYohana 8:46

Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aYohana 8:9

Ba tá fa fok anong ne á kpaan ku dorok azong, azizirik, ásho̱n ne a kpaan'e ma á won aYeso wu ze̱r be abining ame nunyeseng nasho̱o̱n wu.

Itomong Ámanzo 10:34

Ayong aBitrus kpaan rife̱ ye, “Kyo̱o̱rna ne mi ra ma ren ye i nye katsak, Adakunom kasa baꞌ.

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

1 aKoranti 14:24

Amma ke afurin ka aner áya a ta ren ike̱ng iya yin ta sen nye yin'e baꞌ, ti no̱ kaye̱e̱r yin nizen iya koangan ta sen nye kuzarap, ike̱ng iya wu tá fok tù ku tonong ye wu nye afe rine̱n ne a di kuraar wu be ike̱ng iya wu ta fok'e cei.

aGalati 2:19

Kamok ni itsi aMusa mi te kyo̱ndi kukom'e nabik nong Itsi'me tin be ike̱ng ikak natoon'i baꞌ, nong mi ta sor kamok Adakunom.

1 aYohana 3:4

Koangan afe a ta yiir nye rine̱n tonong ye a rawu itsi Adakunom. Kunye rine̱n nye kuwon dar kukuus itsi Adakunom.

aZhud 1:15

nong a ta to̱ koangan amok. A ta tes itomong áya a tá gaar ku kuus Adakunom. A tà te̱s cice̱r amaan rife̱ riya áfe rine̱n ne áya a tá kuus Adakunom baꞌ, tá fe̱ natoon wu.”