aYakub 2:21 - Izere New Testament

²¹ Adakunom sok atukop yir Ibirahim ye a nye ajel'e kamok ikeng iya wu tá nye nizen a ta sen no̱o̱k igon wu Ishaku natoon abagadi aꞌa?

aYakub 2:21 Iomraidhean Croise

aMatiyu 12:37

Kuri rife̱ afe wan tá fe̱ ne a ta ka to̱ mo amok, ka wan tà sor afe rine̱n ka azhe̱l'e.”

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aLuka 1:73

be kushu a tá nye be ada yir Ibrahim ye,

aLuka 16:24

Ayong a tá kuto̱ a tá yis ye, ‘Ada Ibrahim, ro̱ riye̱ mi. Tom aLazarus nong a tin te kabanbo̱k wu kaye̱e̱r ashi nong a tà be̱ a tin shu mo kuto̱, kamok mi se na amaan risam kaye̱e̱r kuro̱ng.’

aLuka 16:30

“Ayong arum ame bun a fe̱ ye, ‘Wayo, ada Ibrahim, ke akak kaye̱e̱r áfe a ta n kus tseng nufuba, á tá shishing kuse ba.’

aYohana 8:39

Ayong á fe̱ be aYeso ye, “Ibrahim ne a nye ada yir.” Ne aYeso fe̱ be ba ye, “Ke a fa fe̱ ye yin nye yin inoon Ibrahim, ke yin nye yin ike̱re̱ wu tá nye.

aYohana 8:53

Wan di ye wan nar ada yir Ibrahim a? Wu gip a ku, ne áner kuzarap Adakunom gip á kus. Wan di ye wan nye angan e̱?”

Itomong Ámanzo 7:2

Amma Itifanus fe̱ ye, “Ásho̱n be ároneng, wesek yin kuto tin fok yin. Adakunom a ta nye ayiik'e, ti wuruk na ada yir Ibrahim kum ne a rusek na aMasopotamiya nizham a tá ra se sor na aHaran.

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

aRom 4:1

Iyong ta fe̱ yir ane̱ natoon Ibrahim afe a tá nye atukop yir e̱? I kuse ane̱ be wu natoon kuno̱o̱k katsak e̱?

aRom 4:12

Anong ne Ibrahim te ako̱k kasho̱o̱n áya a tú ku nye ba izhak gip, sang kamok á tú ku nye ba izhak tsek baꞌ, amma á kuus kuri kuno̱o̱k katsak ada yir Ibrahim tá be kum ne a mu ku nye izhak baꞌ.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

Ibrani 11:17

Natoon kuno̱o̱k katsak ne Ibrahim ti no̱o̱k Ishaku a tá sor asidaka nizen Adakunom tú ku bo̱mo̱ng. Wu afe a tá shan ike̱ng iya Adakunom tá tsang a fe̱ be wu ye a tú ku nye'me, a bun a sen sok asuze̱r igon wu'me a tin nye asidaka.

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.

aYakub 2:24

yin di yin anerawe ye a se gye̱r kamok ikeng iya wu ta nye, sang I se kamok kuno̱o̱k katsak wu tsek baꞌ.