aYakub 2:19 - Izere New Testament

¹⁹ Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

aYakub 2:19 Iomraidhean Croise

aMatiyu 8:29

Á ta kukun nizen izining ye, “Igon Adakunom, wan tse̱r akye̱ be yir e̱? Wan m be̱ tin no̱o̱k yir risam nizham izen'e ta ra nye a?”

aMarkus 1:24

ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

aMarkus 12:29

aYeso fe̱ be wu ye, “Igbang'e nye iya i ta fe̱ ye, ‘Fok yin, áner Isarela, Agwo̱m Ágwo̱m, Adakunom yir se azining.

aMarkus 5:7

A tá kuto̱ ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Shu be riyerek Adakunom ye wan tin no̱o̱k risam baꞌ.”

aMarkus 7:9

Ne aYeso fe̱ be ba ye, “Yin won yin Itsi Adakunom nong i ta kuus yin igo̱o̱n yin.”

aLuka 4:34

“Yeye! Akye̱ ne wan tse̱r be yir e̱? Wan m be̱ nong tin fe̱s yir a? Mi ta ren, wan nye azhe̱l'e afe Adakunom!”

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

Itomong Ámanzo 16:17

Kanamang'e ti kuus yir be aBulus ne ka tasak ye, “Áner na nye ásam Adakunom Agbang Agwo̱m Ágwo̱m, a sen ka taas yin iren kuse̱ kashesh.”

Itomong Ámanzo 19:15

Amma amaan kabik'e fe̱ be ba ye, “Mi ren aYeso, mi ren aBulus gip. Yin ne̱? Yin nye yin ángan e̱?”

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

aRom 3:30

kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

1 aKoranti 8:4

Kamok anong, natoon kuya naya itsi, yir ren yir ye ike̱re̱ itsi'ong sor ike̱ng ikak baꞌ. Yir ren yir ye Adakunom se azining, akak kuse ze̱e̱r baꞌ.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

aGalati 3:20

Kamok ánerawe ta kyem a no̱ aner azining baꞌ ma áner afa, to̱ Adakunom se azining.

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.

aYakub 2:8

Ke yin sak yin agbang itsi iya i ta se kaye̱e̱r Kufumung Adakunom naye̱ ye, “Shim aner agbak wan kyo̱ndi rice wan.” I se gye̱r anong.

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

aZhud 1:6

Bun i yiring yin be ámaleka áya sang á tá kuus itsik rigwo̱m baꞌ, amma á won itsik ba ife ime̱se̱ng'e. Kuri ayong Adakunom ma ka te̱ne̱ng ba kaye̱e̱r awhi nong a tú ku rosom ba be idun atso̱m ife ma izen izen nong a tú ku to̱ ba amok katuk Agbang Kunom'e.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.