aYakub 2:14 - Izere New Testament

¹⁴ Aroneng, akye̱ se gye̱r azong e̱? Ke anerawe nye di wu n no̱o̱k katsak, a ra nye itomong i ta tonong kuno̱o̱k katsak'e baꞌ e̱? Kuno̱o̱k katsak'ong tu ku shesh a?

aYakub 2:14 Iomraidhean Croise

aMatiyu 5:20

Won ta ka tak yin, sang ke kunye yin kutek nar kufe áner kubo̱so̱p Itsi be áner aFarisi baꞌ, To̱, yin tà no̱ yin kaye̱e̱r rigwo̱m kaza baꞌ ko cie̱k.

aLuka 3:11

Ayong aYohana fe̱ ye, “Aner aya a ta be akpiin afa a ra kabak be afe a ta be baꞌ, afe a ta be naya ra nye anong gip.”

aLuka 6:49

Aner aya a ta fok rife̱ mi, sang a tin nye itomong baꞌ, a se kyo̱ndi aner aya a ta no̱k kasa dar ribor ritek, izen iya ashi ta, ne a carak kasa'me, ne kasa'me tà wor ka kpa ne ka yirik cei.”

Itomong Ámanzo 15:9

Sang Adakunom ti tonong ye yir áner aYahuda se yir ze̱e̱r be ba baꞌ, a sak aye̱ ba te zhe̱l kamok ba ti no̱o̱k katsak.

Itomong Ámanzo 8:13

aSiman be rice wu ti no̱o̱k katsak natoon rife̱'me yong a tú nye abatisma. Ne a kuus aFilibus koake̱, a te zhing be ike̱re̱ azhing ife wu tá di aFilibus tá nye.

Itomong Ámanzo 8:21

Wan ti se kaye̱e̱r áfe itomong na baꞌ, kamok riye̱ wan se gye̱r nasho̱o̱n Adakunom baꞌ.

aRom 2:25

Izhak a ta ka nye'me se gye̱r ke wan kuus Itsi'me. Ke wan kuus ike̱ng iya Itsi ta fe̱ baꞌ, wan se tite̱re̱ be aner aya a tu ku nye izhak baꞌ.

1 aKoranti 15:2

Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aTimoti 4:8

Kamok kutabak kuro̱m se gye̱r nizen ikak, amma kutabak kabik anerawe se gye̱r ne ku nar'e kamok ku ta ka tobok kaye̱e̱r kusor kyo̱o̱rna be kusor kufe kasho̱o̱n nama riku.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Ibrani 11:17

Natoon kuno̱o̱k katsak ne Ibrahim ti no̱o̱k Ishaku a tá sor asidaka nizen Adakunom tú ku bo̱mo̱ng. Wu afe a tá shan ike̱ng iya Adakunom tá tsang a fe̱ be wu ye a tú ku nye'me, a bun a sen sok asuze̱r igon wu'me a tin nye asidaka.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

aYakub 1:16

Aroneng'i, tu won a ta ka wo̱ro̱k yin baꞌ.

aYakub 2:16

Ne akak yin fe̱ be wu ye, “Tseng, mi ta mok ritek, te ares ta joosh ne iya naya ta wha,” a ra nye ikeng ikak natoon kudaam wu baꞌ, i nye akye̱ itek ne wu nye e̱?

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.

aYakub 2:26

Kamok anong, kyo̱ndi kuro̱m ta se dar isong nye kukom, anong ne kuno̱o̱k katsak dar kutonong itomong nye kukom'e.

2 aBitrus 1:5

Kamok anong, nye yin koakye i tana kyem i nye yin nong tin barang yin ritek natoon kuno̱o̱k katsak yin, ne i ni barang yin kuren natoon ritek yin.