aYakub 1:9 - Izere New Testament

⁹ Aroneng aya a ta se ni mees rice, a ra nye riye̱ rikan ni itsik igbang'e wu tin se.

aYakub 1:9 Iomraidhean Croise

aLuka 1:52

A tisik ágwo̱m natoon ítsik rigwo̱m ba, a tiyiik áfe a ta mees rice.

aLuka 10:20

Gip be anong, tu nye yin riye̱ rikan kamok ítseng tá ka fok yin kuto baꞌ, nye yin riye̱ rikan kamok an zibir ayerek yin kaye̱e̱r kaza.”

aLuka 14:11

Kamok koangan ne a mees rice wu a tú ku tiyiik, aner aya ne a sok rice naza a tà te be wu fe̱re̱.”

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.

aFilipi 3:14

Mi ya kasho̱o̱n be kuni te iso̱r nong ke mi ya ne i se̱ ishorong iya Adakunom tin yis mo kaye̱e̱r aYeso Kiristi a ta se naza.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.