aYakub 1:4 - Izere New Testament

⁴ Ku naka tsesek yin ta tseng ma nigang'e, nong ase̱ yin ta shining yin, ne kyem yin sang ta raar yin nikeng ikak baꞌ.

aYakub 1:4 Iomraidhean Croise

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aMatiyu 19:20

Ayong acam ame fe̱ ye, “Mi n kuus ike̱re̱'ong cice̱r, akye̱ ne i rusek gbak e̱?”

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aMarkus 10:21

aYeso tu ye̱re̱k be kushim. Ayong a fe̱ be wu ye, “Wan ru raar nike̱ng izining tsek. Tseng ta se re̱e̱s koakye wan ta be, kasap áfe rizor itso̱m'e. Wan ta se̱ kurum naza nong ta be̱ tin kuus.”

aLuka 18:22

aYeso tá fa fok anong, ne a fe̱ be wu ye, “Wan ru raar nike̱ng izining. Re̱e̱s koakye wan ta be, kasap áfe rizor itso̱m'e. Wan tà se̱ kurum naza nong ta be̱ tin kuus.”

aLuka 21:19

Nyeseng yin be agap, yin tà se̱ yin kashesh.”

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

1 aKoranti 2:6

Gip be anong, yir fe̱ yir rife̱ riya ri ta nye rife kukyem kuri rife áner á tan kyem ánerawe nabik sang kuri rife ágwo̱m kazatse ka kuri kufe áner izam na áya a tana wei baꞌ.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

2 aTimoti 3:17

nong ase̱ koangan afe a ta nye afe Adakunom ta shining ne a se be kanye̱k kamok koakye kuri itomong itek.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

aYakub 3:2

Yir cei i taam yir niren ze̱r ze̱r, ke akak taam nikeng iya wu ta fe̱ baꞌ, i nye ye wu se ryong, a ta kyem a nisak riye̱ rice wu cei.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

2 aBitrus 1:9

Kamok koangan aya a ta dun kuse kutek kuri kuyu di karo̱ tsik baꞌ, a nye akpato̱o̱n'e. A tiburum ye Adakunom mu ku re̱ng rine̱n wu tá tsang a nye.