aYakub 1:25 - Izere New Testament

²⁵ Amma aner aya ne a ye̱re̱k itsi iya i ta se gye̱r ife i ta be̱e̱n kusor ne̱k, ne a yiir kunye anong, a tiburum ikeng wu ta fok baꞌ, amma a yiir nye'me, a tu ku te awe̱ng natoon ikeng wu ta nye.

aYakub 1:25 Iomraidhean Croise

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aYohana 13:17

Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.

aYohana 8:36

Kamok anong, ke Igon'e ta ka no̱o̱k yin iren kusor ne̱k, to̱, yin tà se̱ yin kusor ne̱k kufe katsak.

Itomong Ámanzo 13:43

Ánerawe ta fa naka kaas, yong áner aYahuda be áya a ta nye áner aYahuda baꞌ, áya a tá won kukuus igo̱o̱n ba á te áner aYahuda kuus aBulus be aBarnabas. Iyong aBulus be aBarnabas'e fe̱ be ba ye a ru ya kasho̱o̱n kaye̱e̱r ritek Adakunom.

Itomong Ámanzo 2:42

Á ti te rice ba nike̱ng iya ámanzo tá ka bo̱so̱p ba'me ne á nyiis naro̱ kazining ne á ya Azhibi naro̱ kazining ne a nye aduwa mak.

Itomong Ámanzo 26:22

Amma Adakunom ti se̱ mo ma nizen iyu, kamok anong ne mi nyeseng aze i ta taas asho̱n be inoon. Sang mi fe̱ ike̱ng ikak ze̱e̱r be rife̱ áner kuzarap ne iya aMusa tá fe̱ baꞌ.

aRom 11:22

Aze yir di yir Adakunom be kuro̱ riye̱ ne a se nye̱k nye̱k. A se nye̱k nye̱k be áya a ta kpas, amma a ro̱ riye̱ wan ke wan ya kasho̱o̱n kaye̱e̱r kuro̱ riye̱ wu. Ke anong baꞌ, wan gip a tà ka tun kaye̱e̱r ritin'e.

aRom 2:13

Sang áya a foos Itsi ne a se gye̱r nasho̱o̱n Adakunom baꞌ, amma áya a ta kuus ike̱ng iya Itsi'me tá fe̱, ne a se gye̱r nasho̱o̱n Adakunom.

aRom 7:12

Kamok anong, Itsi be rice wu se zhe̱l, ike̱ng iya i ta fe̱ se zhe̱l. I se gye̱r ne i nye itek.

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

2 aKoranti 13:5

Maas yin rice yin nong ta di yin ka yin kuus yin aYeso Kiristi kaye̱e̱r katsak'e, bo̱mo̱ng yin rice yin, yin ren yin ye aYeso aKiristi se kaye̱e̱r yin, sang ke yin kpa yin kumaas baꞌ.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

aGalati 5:1

Kamok nong ta sor yir ne̱k ne i sak aKiristi ti tun yir kaye̱e̱r kukuus Itsi. Kamok anong nyeseng yin be agap, sang tu ba sor yin kyo̱ndi ásam baba baꞌ.

aGalati 6:2

Naka tobok yin kaye̱e̱r risam yin, be anong ne yin ta shining yin ike̱ng iya Itsi aKiristi ta fe̱.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

1 aTimoti 2:15

Gip be anong, aner abining ta se̱ kashesh kamok a tes inoon ke a ya kasho̱o̱n kaye̱e̱r kuno̱o̱k katsak be kushim kuse zhe̱l ne a yiir rice wu.

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

aYakub 2:12

Fe̱ kanu ne i nye kyo̱ndi aya a tana ku to̱ ba amok be Itsi iya i tana be̱e̱n kusor ne̱k.

1 aBitrus 2:16

Sor yin kyo̱ndi áner aya a ta se ne̱k, sang tu sok yin kusor ne̱k'e nong tin nye yin amaan kunye baꞌ. Amma sor yin kusor kuya ku tana tonong ye yin nye yin ásam Adakunom.

1 aYohana 2:24

Kamok anong, mi fe̱ be yin ye i ra yiir yin rife̱ yin tá fok yin kum ni ime̱se̱ng'e. Ke yin nye yin anong, yin ta te yin azining be Igon Adakunom'me ne Adakunom a ta nye Ada'me.

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.