aYakub 1:19 - Izere New Testament

¹⁹ Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.

aYakub 1:19 Iomraidhean Croise

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMarkus 12:37

“aDauda be rice wu tú ku yis ye, ‘Agwo̱m Ágwo̱m.’ To̱, ne a bun a nye ane̱ a ta nye igon wu e̱?”

aMarkus 2:2

Ánerawe nyim dide̱ng nanu kasa'me, ma á tse̱r karo̱ sho̱ng, ma nanu kutu. aYeso'me tú taas ba Rife̱ Ritek.

aLuka 15:1

Katuk kakak, áfe ku shashang itso̱m iben ne “áfe rine̱n” naka tusung nong á ta foos aYeso.

aLuka 19:48

Gip be anong á kyem á se̱ iren á tana ku fe̱r baꞌ, kamok rife̱ wu tsang ri no̱ naye̱ ánerawe dide̱ng.

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

Itomong Ámanzo 10:33

Iyong ne mi wor i tom nufuan zizirik. I se gye̱r wan ta be̱. Kamok anong, yir na azena cice̱r yir nasho̱o̱n Adakunom nong ta fok ike̱ng iya Agwo̱m Ágwo̱m tá ka sak tin tak yir.”

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.

Itomong Ámanzo 2:42

Á ti te rice ba nike̱ng iya ámanzo tá ka bo̱so̱p ba'me ne á nyiis naro̱ kazining ne á ya Azhibi naro̱ kazining ne a nye aduwa mak.

Afisa 4:26

Ke riye̱ yin beseng sang tin nye yin rine̱n baꞌ, sang akak tu won kunom tu kpa ne wu rusek be riye̱ kubeseng'e baꞌ.

Afisa 4:31

Kam yin be koakye kuri riye̱ riwe be riye̱ rife ne riye̱ kubeseng be kuren be ritok ne koakye kuri amaan kunye.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

aKolosi 3:8

Amma kyo̱o̱rna, kam yin be ike̱re̱ kuri iyuna cice̱r dim. Won yin riye̱ kubeseng be riye̱ rife ne amaan kuto̱ro̱ng ne ritok be amaan rife̱.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

aYakub 1:16

Aroneng'i, tu won a ta ka wo̱ro̱k yin baꞌ.

aYakub 1:2

Aroneng, sok yin be riye̱ rikan, izen iya yin no̱ yin ni iriri kubo̱mo̱ng.

aYakub 1:26

Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

aYakub 2:1

Aroneng'i kyo̱ndi afe kuno̱o̱k katsak na aYeso Kiristi Agwo̱m Agwo̱m yir, afe kuyiik, tu tonong yin kushim rice baꞌ.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aYakub 3:10

Kanu kazining a tin kerek be kanu'me ne a ti fiming. Aroneng'i, i tu se anong baꞌ.

aYakub 4:11

Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

aYakub 5:12

Aroneng'i nama anong, tu shu yin baꞌ, be kaza ka kazatse ka be ikeng ikak ze̱e̱r baꞌ, won a “Ei” yin tu sor a “ei,” ne a “Wayo” yin tu sor a “wayo,” ke a ta ka to̱ yin amok.

aYakub 5:19

Ároneng'i, ke akak yin won katsak'e, ne akak yin kubun be wu.

1 aYohana 2:21

Sang mi ta zibir yin'e ye kamok yin ta dun yin katsak'e baꞌ, hiir, amma kamok yin ta ren yin katsak'e ne i bun i ren yin ye a gung abo̱o̱s be katsak baꞌ.