aYakub 1:16 - Izere New Testament

¹⁶ Aroneng'i, tu won a ta ka wo̱ro̱k yin baꞌ.

aYakub 1:16 Iomraidhean Croise

aMatiyu 22:29

aYeso fe̱ be ba ye, “Kuto̱ro̱ng yin se gye̱r baꞌ, kamok yin ren yin rife̱ Adakunom ka kukyem wu baꞌ.

aMarkus 12:24

Ayong aYeso fe̱ be ba ye, “Kuto̱ro̱ng yin se gye̱r baꞌ, kamok yin ren yin ike̱ng iya rife̱ Adakunom ta fe̱ ka kukyem Adakunom baꞌ.

aMarkus 12:27

A nye Adakunom ikom baꞌ, amma Adakunom áfe a ta be atser. Yin taam yin dide̱ng.”

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

aGalati 6:7

Sang tu wo̱k yin rice yin baꞌ, a ta kyem a wo̱ro̱k Adakunom baꞌ. Ike̱ng anerawe ta tuus, iyong ne a ta se̱.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aFilipi 4:1

Kamok anong, ároneng afe riye̱ mi, aya mi ta min te riye̱ ke mi ka di yin ne mi ni be riye̱ rikan ne mi niya kuka, ye i ra nyeseng yin kpa ni ikuus Agwo̱m Ágwo̱m yir aYeso. Yin áya mi ta shim.

aKolosi 2:4

Mi ta tak yin ike̱re̱ na nong fan akak ba ka wo̱ro̱k yin be kanu re̱m re̱m.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

2 aTimoti 2:18

áya a tá won iren katsak'e. Ba fe̱ ye izen kudorok ikom nare̱k n gor ma á sak ákak won kuno̱o̱k katsak ba.

Ibrani 13:1

Ya yin kasho̱o̱n be ku naka shim kyo̱ndi aner be áronyining,

aYakub 1:19

Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.

aYakub 1:2

Aroneng, sok yin be riye̱ rikan, izen iya yin no̱ yin ni iriri kubo̱mo̱ng.

aYakub 2:1

Aroneng'i kyo̱ndi afe kuno̱o̱k katsak na aYeso Kiristi Agwo̱m Agwo̱m yir, afe kuyiik, tu tonong yin kushim rice baꞌ.

aYakub 2:14

Aroneng, akye̱ se gye̱r azong e̱? Ke anerawe nye di wu n no̱o̱k katsak, a ra nye itomong i ta tonong kuno̱o̱k katsak'e baꞌ e̱? Kuno̱o̱k katsak'ong tu ku shesh a?

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aYakub 3:1

Aroneng, tu te yin afe kubo̱so̱p anerawe'me wher baꞌ, kamok yin ren yin ye yir afe i ta bo̱so̱p ánerawe'me, yir ne a tin to̱ yir amok be agap ne nar.

aYakub 3:10

Kanu kazining a tin kerek be kanu'me ne a ti fiming. Aroneng'i, i tu se anong baꞌ.

aYakub 4:11

Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

aYakub 5:12

Aroneng'i nama anong, tu shu yin baꞌ, be kaza ka kazatse ka be ikeng ikak ze̱e̱r baꞌ, won a “Ei” yin tu sor a “ei,” ne a “Wayo” yin tu sor a “wayo,” ke a ta ka to̱ yin amok.

aYakub 5:19

Ároneng'i, ke akak yin won katsak'e, ne akak yin kubun be wu.