aYakub 1:1 - Izere New Testament

¹ aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.

aYakub 1:1 Iomraidhean Croise

aMatiyu 10:3

ne aFilibus be aBatalomi, ne aToma, be aMatiyu aya a tá shashang itso̱m iben, ne aYakub igon Alfiyus ne aTadiyus,

aMatiyu 13:55

Igon akapinta na aꞌa? Ango̱ wu ne a nye aMarya aꞌa, áronyining ne a nye aYakub be aYusufu ne aSiman be aZhud aꞌa?

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMarkus 3:18

Adarawus be aFilibus ne aBatalomi be aMatiyu, ne aToma, be aYakub igon Alfiyus, ne aTadiyus, be aSiman aner rifur kuwo̱p wu,

aLuka 22:30

Nong ase̱ ta ya ne i so̱ yin mak be mi kaye̱e̱r rigwo̱m'i, tá sosok yin ni ítsik rigwo̱m ne i to̱ yin nazu Isarela kuso̱k be afa amok.

aLuka 6:15

Be aMatiyu, ne aToma, be aYakub igon aZabedi, ne aSiman aya a tú ku yis ye aner a tá be rifup kaben wu.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 7:35

Áner aYahuda'me fe̱ awan ba ye, “Ake̱ ne wu be, yir tana kyem i tseng yir baꞌ e̱? Ka a be nufe ánerawe yir áya a ta te shaam á ta sor be áner aHeleni, nong a bo̱so̱p áner aHeleni'me a?

Itomong Ámanzo 1:13

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.

Itomong Ámanzo 12:17

aBitrus ma nye be kubo̱k ye a ra te gbik, nong a tú ku taas ba kuri iren iya Agwo̱m Ágwo̱m tú ku tun nitso̱m'me. A fe̱ ye, “Tseng se tak yin aYakub be ribir áro̱ afikuus.” Ayong a dorok a tá tseng naro̱ kakak.

Itomong Ámanzo 15:13

Nizen iya á tá gang kufe̱ kanu ne aYakub dorok a tá fe̱ ye, “Ároneng be ángasneng wesek yin kuto tin fok yin.

Itomong Ámanzo 15:21

Kamok an taas ánerawe rife̱ natoon Itsi aMusa ta zibir kum gbugbang kaye̱e̱r koakye kuwo̱p ne a fa kaye̱e̱r atu aduwa koakye Asabar.”

Itomong Ámanzo 15:23

Kufumung a tú ku no̱o̱k ba ame se ye: Áronyining yin, ámanzo ne áko̱k kasho̱o̱n be ribir áfikuus ne a ta ka zibir yin kufumung na. Yin áfikuus áya sang yin tá nye yin kunik áner aYahuda baꞌ. Yin áya yin ta se yin na Antakiya be aSuriya ne aKilikiya. Yir tá nye yin ashou dide̱ng.

Itomong Ámanzo 2:5

Nizen iyong áner aYahuda ákak aya a tá fok inyim adakunom tú ku se azong na aUshalima ne áya a tá nes koake̱ kaye̱e̱r kazatse.

Itomong Ámanzo 21:18

Kayatson'e, aBulus be ribir yir tseng nufe aYakub, áko̱k kasho̱o̱n ikilisiya cice̱r se azong.

Itomong Ámanzo 23:26

Kunom ra be rigwo̱m, mi, aKalaudiyus Lasiyas, ne i ta zibir kufumung na, wan Agwo̱mna aFelis, mi ta nye ashou dide̱ng.

Itomong Ámanzo 26:7

Ike̱ng iya a tá tsang a fe̱'me nye nazu yir áner Isarela kuso̱k be afa ti te riye̱ ye i tá shining, ma a ti te rice ni itomong Adakunom kunom be katuk. Kunom ra be rigwo̱m, kamok mi ti te riye̱ mi ne áner aYahuda nye kukun'i.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aGalati 1:19

Mi di ribir ámanzo'me ákak baꞌ, sang ke aYakub aronyining Agwo̱m Ágwo̱m yir baꞌ.

aGalati 2:12

Kamok aBitrus'e n me̱ ne a yas be áner aya sang á tá nye áner aYahuda baꞌ, kum ne áner aya a ta se be aYakub tá tsang á be̱ baꞌ. Amma áner á ta se be aYakub'me tá fa be̱ ne aBitrus na ka ko̱ro̱k nong a tá kam rice wu be áner aya a ta nye áner aYahuda baꞌ, kamok wu fok inyim áner aYahuda áya a ta shim ye, koangan ra nye izhak.

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

2 aTimoti 4:21

Te gbashak ta be̱ nizham izen kuwun ta ra nye. aYubulus be aPuden ne aLanus be aKalaudiya ne ribir ároneng cice̱r ta nye ashou.

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

1 aBitrus 1:1

Mi, aBitrus, amanzo aYeso aKiristi yin áya i ta se yin kyo̱ndi átsen kaye̱e̱r kazatse, áya a ta ka kasa yin i ta te yin shaam koakye niben aPontus be aGalati ne aKapadokiya be Asiya ne niben aBitiniya.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

Ike̱ng a ta tonong aYohana 7:4

Ne mi fok ye áner aya a tú ku tse̱k ba izizo̱'me, se áner izungu kuso̱k inyak be iso̱k inaas be anaas kaye̱e̱r nazu áner Isarela kuso̱k be afa.