aMatiyu 9:8 - Izere New Testament

⁸ Nizen iya ánerawe ame tá di anong, inyim tú ro̱ ba iyong á kerek Adakunom aya a tá no̱o̱k ánerawe kukyem kuri kuyong.

aMatiyu 9:8 Iomraidhean Croise

aMatiyu 12:23

Ánerawe cice̱r te zhing ne á fe̱ ye, “Ayu ne a nye Igon aDauda aꞌa?”

aMatiyu 15:31

Ánerawe te zhing nizen ba tá di ágbanu tá fe̱ kanu ne ákun be áfe a ta yising te atser ne ákpato̱o̱n di karo̱. Iyong á kerek riyerek Adakunom afe Isarela.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

aMatiyu 9:7

Ayong aner ame dorok, a tá be kari.

aMarkus 2:12

Aner ame dorok, a tá sok ike̱re̱ kameneng wu ame nong a tá tseng ne koangan kuye̱re̱k. Iyu sak koangan te zhing yong á kerek Adakunom ne á fe̱ ye, “Yir kun di yir ana baꞌ.”

aMarkus 7:37

Anerawe wor á te zhing ne á fe̱ ye, “A nye koakye gye̱r. A kyem a sak agbato ta fok ne a sak agbanu ta fe̱ kanu.”

aLuka 13:13

aYeso ti sak kubo̱k ni wu, ne a wor a naka nabak gye̱r. Abining'e kerek Adakunom.

aLuka 17:15

Nizen akak kaye̱e̱r ba tá fa di wu n te atser yong a tú bun, a tá ta kuto̱ ne a kerek Adakunom.

aLuka 17:18

Ákak kyem á tú bun á tá be̱ á kerek Adakunom baꞌ, ma aner atsen na tsek a?”

aLuka 18:43

A wor a kpaan i di karo̱ ne a kuus aYeso, ne a kerek Adakunom. Ánerawe'me tá fa di anong ne á kerek Adakunom gip.

aLuka 2:20

Áfek ame tú bun ne á tsang á tiyiik Adakunom ne á ku kerek kamok ike̱re̱ ba tá fok ne á di cei, kyo̱ndi a tú ku tak ba.

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

aLuka 7:16

Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

Itomong Ámanzo 21:20

Á tá fa fok anong ne á kerek Adakunom. Iyong á fe̱ be aBulus ye, “Aroneng wan di wa, áner aYahuda whe̱re̱ min no̱o̱k katsak. Cice̱r ba á ti be rifup kukuus Itsi aMusa.

Itomong Ámanzo 4:21

Á ta fa di ba kyem a se̱ aBitrus be aYohana be rine̱n nikum á ta ka whereng ba baꞌ, ayong á rus kubo̱k kaben á tá ka te ba ni iren kamok ánerawe cice̱r kerek be ike̱ng iya i tá nye.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

aGalati 1:24

Iyong á kerek Adakunom kamok'i.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.