aMatiyu 9:2 - Izere New Testament

² Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”

aMatiyu 9:2 Iomraidhean Croise

aMatiyu 14:27

aYeso wor a fe̱ be ba ye, “Na ka tsesek yin, mi'ong. Sang yin tu fok yin inyim baꞌ.”

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

aMatiyu 8:10

aYeso tá fa fok anong ne a te zhing, iyong a fe̱ be áfe a tú ku kuus ye, “Katsak'e, ne mi ta ka tak yin, mi kun di aner akak kaye̱e̱r Isarela afe a ta be kuno̱o̱k katsak kyo̱ndi aner na baꞌ.

aMatiyu 8:16

Kawheshirim tá fa nye, a be̱s be ánerawe whe̱re̱ áya amaan nabik tá min no̱ niba nufe aYeso, ne aYeso turung nabik'e ne a sak áfe iro̱k cice̱r á ta te atser.

aMatiyu 9:22

aYeso tá fa kirik a tú ku di, yong a fe̱ be wu ye, “Sang wan tu daam baꞌ, angas, kuno̱o̱k katsak wan n sak wan n te atser.” Ne abining'e wor a te atser nizen iyong.

aMatiyu 9:5

Inyaka ro̱ ne i nar e̱? A ta fe̱ be aner ye, ‘A ma ka re̱ng rine̱n wan,’ ka ‘Dorok ta tseng’ e̱?

aMatiyu 9:6

Amma mi shim yin ta ren yin ye, Igon Anerawe be kukyem a tanin re̱ng rine̱n kaye̱e̱r kazatse,” iyong a fe̱ be aner aya a tá we̱ abas azining ame ye, “Dorok tá sok ike̱re̱ kameneng wan ta be kari.”

aMarkus 1:32

Nawheshirim'ong, nama kunom tá kpa, ánerawe be̱s be áfe iro̱k ne áfe amaan nabik nufe aYeso.

aMarkus 10:49

Ayong aYeso nyeseng a tá fe̱ ye; “Ku yis yin.” Iyong, ba fe̱ be akpato̱o̱n ame ye, “Naka tsesek, dorok, a ta yis.”

aMarkus 5:34

Ayong aYeso fe̱ be wu ye, “Angas, kuno̱o̱k katsak wan sak wan te atser. Tseng caang wan n te atser kaye̱e̱r kuro̱k wan.”

aMarkus 6:50

kamok cei ba tú di, inyim tú ro̱ ba. Ayong aYeso fe̱ be ba gbashak ye, “Na ka tsesek yin. Sang tu fok yin inyim baꞌ. Aner'e nye mi.”

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aYohana 2:25

Wu shim akak tu ku tak ike̱ng ikak natoon akak baꞌ, kamok wu ren ike̱ng i ta se kaye̱e̱r riye̱ anerawe.

aYohana 21:5

Ayong aYeso fe̱ be ba ye, “Aro̱, yin yiir yin izos ko izining aꞌa?” Ayong ba fe̱ ye, “Wayo.”

Itomong Ámanzo 14:9

A sonong a tá foos ike̱ng iya aBulus tá fe̱. aBulus ti sak anyisi ni wu yong a di aner ame tá min no̱o̱k katsak ye wu tà te atser.

Itomong Ámanzo 19:12

Ko ke a sok ike̱ng ire̱ng kutsin wu ka kukpiin kuya ku ta ra kuro̱mwu, ke a se no̱o̱k áya a ta nye atser baꞌ, ne á te atser ne itseng kam be aner'e.

Itomong Ámanzo 23:11

Katuk tá fa nye ne Agwo̱m Ágwo̱m be̱ a nyeseng bubarak be aBulus a tá fe̱ be wu ye, “Naka tsesek. Kyo̱ndi wan tá fe̱ itak'i na aUshalima, anong ne wan tà fe̱ na aRom dim gip.”

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.