aMatiyu 8:9 - Izere New Testament

⁹ Kamok mi se nubo̱k akak gip, ne ásozha akak se nubo̱k'i gip. Ke mi fe̱ be akak ye, ‘Tseng,’ ne á tseng ne mi fe̱ be akak ye, ‘Be̱,’ ne a be̱. Mi fe̱ be asam mi ye, ‘Nye iyu,’ ne a nye.”

aMatiyu 8:9 Iomraidhean Croise

aMatiyu 8:10

aYeso tá fa fok anong ne a te zhing, iyong a fe̱ be áfe a tú ku kuus ye, “Katsak'e, ne mi ta ka tak yin, mi kun di aner akak kaye̱e̱r Isarela afe a ta be kuno̱o̱k katsak kyo̱ndi aner na baꞌ.

aMatiyu 8:8

Ayong ako̱k kasho̱o̱n ame fe̱ ye, “Mi kyem afe wan tana be nasa mi baꞌ, fe̱re̱ng tsek asam mi tà te atser.

aMarkus 1:27

Ánerawe cice̱r te zhing ma á kpaan ku naka risim ye, “Kai, akye̱ na e̱? Kubo̱so̱p kufas be kukyem! Aner na fe̱ be ámaan nabik ne i ku fok.”

aLuka 4:39

Ayong aYeso tiguum bubarak be wu nong a tá tigba kuro̱m kuzhoosh'e, yong a te atser. A wor a dorok a ta kpaan i ku nyes ba.

aLuka 7:8

Kamok mi gip, akak ti nye rigwo̱m ni mi ne mi min i nye rigwo̱m na ákak. Ke mi fe̱ be ayu ye, a ra tseng, ne a tseng, ne i fe̱ be akak ye, a ra be̱, ne a be̱. Ke mi fe̱ be asam mi ye, a ra nye iyu, ne a nye.”

aLuka 9:1

aYeso tá yis kuso̱k be afa ame, a tú no̱o̱k ba kukyem kuturung koakye kuri ítseng, kufe ku ni sak áfe iro̱k tana te atser.

aKolosi 3:22

Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

aTitus 2:9

Tak ásam ye á ra fok átekasa ba kuto kaye̱e̱r koakye ne á nye ike̱ng iya ba tana fok kusas'e sang á tu ya kanu be ba baꞌ,