aMatiyu 8:5 - Izere New Testament

⁵ Nizen aYeso tá no̱ kaye̱e̱r aKapanum, iyong ako̱k kasho̱o̱n aSozha aRom akak be̱ nufu nong a tú ku nye izong ye,

aMatiyu 8:5 Iomraidhean Croise

aMatiyu 11:23

Be wan kuwo̱p aKapanum gip, wan di ye, a ta ka te yiik ma naza a? Wayo, a ta te be wan fe̱re̱ ma naro̱ áfe a tá kus tu ku se. A fa fe̱ ye, a nye kuri itomong azhing a tá nye nufe yin kaye̱e̱r kuwo̱p aSodom, ke ku ruresek ma kyo̱o̱rna.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 4:13

A won aNazaret nong a tá be na aKapanum be kusor, ku tase nanu kudung, ni igak kaben aZebulun ne aNaptali,

aMatiyu 9:1

Ayong aYeso no̱ kaye̱e̱r kukpara ashi nong a tú ku bun nuwo̱p wu.

aMarkus 15:39

Nizen ako̱k kasho̱o̱n ásozha aya a ta se azong nyeseng a ta di riku'me, yong a fe̱ ye, “Katsak'e, aner na nye Igon Adakunom.”

aMarkus 2:1

Nama inom cie̱k, aYeso tú ku bun na aKapanum, ánerawe fok ye an be̱ kari.

Itomong Ámanzo 22:25

Amma nizen iya á tú ku rosom nong á tú ku whereng, yong aBulus fe̱ be agbang aritek asozha'me akak a tá se azong ye, “I se gye̱r yin tana whereng yin aner aRom dar ku kuto̱ amok a?”

Itomong Ámanzo 23:17

Iyong aBulus yis akak kaye̱e̱r áko̱k kasho̱o̱n ásozha'me a tá fe̱ be wu ye, “Tseng be acam na nufe aritek yin, a be ike̱ng ikak iya a tana ku tak.”

Itomong Ámanzo 23:23

Iyong agbang ásozha'me yis aritek asozha aRom afa nong a tá fe̱ be ba ye, “Nye yin kanye̱k nong ta tseng yin na aKaisariya nabas itsom katobo̱k natuk na, mak be ásozha iso̱k inyak ifa ne ásozha aya a ta ko̱n natoon itsaap iso̱k kanataar be áya a ta ko̱n be ako̱o̱n iso̱k inyak ifa.

Itomong Ámanzo 27:13

Nizen iya kuwun kutek ta ne nabas kaye̱r ta san ku fe̱se̱m whiwhe̱, áfe kuko̱k kukpara ashi'me di ye ba ma se̱ karo̱'me yong. Iyong á tun kutso̱m kukak ku tana yiir kukpara ashi'me naro̱ kazining, a ta tsang a kuus kukyim ashi aKirit.

Itomong Ámanzo 27:31

Iyong aBulus fe̱ be aritek ásozha aRom'me ne ribir ásozha'me ye, “Sang ke áner na fan mak be yir kaye̱e̱r kukpara ashi na baꞌ, akak kaye̱e̱r yin tà gaar baꞌ.”

Itomong Ámanzo 27:43

Amma aritek ásozha aRom'me ta shim a ta shesh aBulus, yong a tú ku roon ba'me. Ne a fe̱ be ba ye áner aya a ta ren riwo̱k ra san kufuruk nong á ta wo̱k a ta tseng nukim kudung'e.

Itomong Ámanzo 9:38

aLidda'me se bubarak be aZhopa. Áfikuus tá fa fok ye aBitrus se na aLidda'me, ayong á tom áner afa nufu nong a tá su ku nye akusuk ye a ra be̱ zizirik.