aMatiyu 8:4 - Izere New Testament

⁴ Ayong aYeso fe̱ be wu ye, “Di, sang tú tak akak baꞌ. Amma tseng se tonong rice wan nufe atsi ne i nye asidaka kuri aya aMusa tá fe̱, nong á tà ren ye wan n te atser.”

aMatiyu 8:4 Iomraidhean Croise

aMatiyu 10:18

Kamok mi, á tà tseng be yin nasho̱o̱n ágwomna ne ágwo̱m kamok yin tu ku tak yin ba Rife̱ Ritek ne áya sang a ta nye aner aYahuda baꞌ.

aMatiyu 16:20

Ayong a kpam álimazhiri wu ye, sang á tu tak akak ye, wu ne a nye aKiristi'me baꞌ.

aMatiyu 17:9

Nizen iya á tá sen tisik natoon kawhanang ame, aYeso tu ku kpam ba ye, “Sang yin tú tak yin akak ike̱ng iya yin tá di yin na baꞌ, ma ke a dorok Igon Anerawe nure̱k nizham.”

aMatiyu 3:15

Amma aYeso fe̱ be wu ye, “I se gye̱r ta nye yir anong; kamok be anong ne a tá shining yir ike̱ng iya Adakunom ta shim.” Ayong aYohana tú ku shim'me.

aMatiyu 5:17

“Sang yin tu di yin ye mi be̱ nong ta be birik ike̱ng iya Itsi aMusa ta fe̱ be rife̱ áner kuzarap agbugbang'e ta fe̱ baꞌ, Mi be̱ nong ta birik baꞌ, amma nong ta shining rife̱ ba'me.

aMatiyu 6:1

“Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.

aMatiyu 9:30

Anyisi ba wor a karak. aYeso tu kpam ba ye, “Sang á tu tak akak baꞌ.”

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aMarkus 3:12

Ne aYeso fe̱ be ba be agbang kuto̱ ye, sang akak tú tak ka wu nye angan'e baꞌ.

aMarkus 5:43

Amma aYeso fe̱ be ba be agap ye, sang akak tú fok itak na baꞌ, ne a fe̱ be ba ye á ra no̱o̱k kanamang'e ike̱ng ikak nong a tá ya.

aMarkus 6:11

Ke áner karo̱'me tá shan yin baꞌ, ka á tá fok yin kuto baꞌ, ne yin re̱ng yin iwur atak yin nizen afe yin tana won yin azong nong i ta sor asheda natoon ba.”

aMarkus 7:36

aYeso fe̱ be ba be agbang kuto̱ ye, Sang a tu tak akak baꞌ, amma a ta fa bun a fe̱ anong'e ne ba yiir kutaas itak'e.

aMarkus 8:30

aYeso tú kpam ba ye sang á tú tak akak ye wu nye angan'e baꞌ.

aMarkus 9:9

Nizen ba ta sen tiik rifan ame, yong aYeso fe̱ be ba be agbang kuto̱ ye, sang á tu tak akak ike̱ng iya ba tá di baꞌ, ma izen iya Igon Anerawe dorok nure̱k.

aLuka 17:14

Nizen aYeso tú ku di ba, a fe̱ be ba ye, “Tseng yin ta se tonong yin rice yin nufe átsi ye yin n te yin atser.” Á tá se be kutseng ne á te atser niren.

aLuka 21:13

Iyong tà ka no̱o̱k yin iren nong tu ku taas yin ba Rife̱ Ritek natoon'i.

aLuka 4:41

Ítseng gip i wuruk kaye̱e̱r ánerawe whe̱re̱, ne i tasak ye, “Wan nye Igon Adakunom.” Amma a tu tigba ba, ne a ka roon ba kufe̱ kanu, kamok ba ren ye wu ne a nye aKiristi.

aLuka 5:14

Ne aYeso fe̱ be wu ye, “Sang tu tak akak baꞌ, tseng tá se tonong rice wan nufe atsi, ne i nye asidaka aya aMusa tá fe̱ ye a ra nye kamok kute zhe̱l wan nong i ta sor ike̱ng ife koangan tana ren.”

aLuka 8:56

Átek'e te zhing, ne aYeso fe̱ be ba ye, sang á tu tak akak ike̱ng iya i tá nye baꞌ.

aLuka 9:21

aYeso tú kpam ba ye sang á tú tak akak baꞌ.

aYohana 5:41

“Mi tse̱r nakerek nufe ánerawe baꞌ.

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

aYohana 8:50

Mi tse̱r kuyiik kamok rice mi baꞌ. Aner akak kuse a tin tse̱r'e, wu ne a nye aner amok'e.