aMatiyu 7:7 - Izere New Testament

⁷ “Yiir irip yin'e, a tà no̱o̱k yin; yiir itse̱r yin'e, ta se̱ yin; yiir itsor yin kanukutu'me a tà ka karak yin'e.

aMatiyu 7:7 Iomraidhean Croise

aMatiyu 18:19

“Mi bun i fe̱ be yin gbak ye, ke áner áfa kaye̱e̱r yin áya kuto̱ro̱ng ba ta se kuzining rip ike̱ng ikak, Ada mi afe a ta se kaye̱e̱r kaza ta ka nye ba'me.

aMatiyu 21:22

Ke yin no̱o̱k yin katsak, koakye ne yin ta rip yin kaye̱e̱r aduwa a tà ka no̱o̱k yin.”

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

aMatiyu 7:11

Ke yin, i ta nye yin amaan'e, i ren i nyesek yin inoon yin ike̱re̱ itek, shita Ada afe ta se kaye̱e̱r kaza ta won dar a no̱o̱k aya a tu ku rip ike̱re̱ itek a?

aMatiyu 7:8

Kamok koangan afe a tá rip a tù ku no̱o̱k, koangan afe a tá tse̱r a ta se̱, koangan afe a tá tsor a tu ku karak'e.

aMarkus 11:24

Kamok anong, mi fe̱ be yin ye, koakye ne yin tà rip yin kaye̱e̱r aduwa, i ni no̱o̱k yin katsak ye yin n se̱ yin, i ta te ife yin.

aLuka 13:25

Kum ke atekasa'me dorok a ta whe̱e̱n kanukutu'me, yin ta nyeseng yin nufang ne i ca yin kanukutu'me ne i nye yin akusuk ye, ‘Kusuk atekasa, ni karak yir kanukutu.’ “A tá fe̱ ye, ‘Mi ta ren yin, ka karo̱ yin tu ku ne yin baꞌ.’

aLuka 18:1

aYeso tak álimazhiri wu kumaas na nong a tú ku bo̱so̱p ba ku yiir nye aduwa, sang á tu ro̱n baꞌ.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 15:7

Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aRom 3:11

Akak kuse a ta se̱ rikpa'me baꞌ, akak kuse a ta tse̱r Adakunom baꞌ.

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

aYakub 5:15

Aduwa a ta nye kaye̱e̱r kuno̱o̱k katsak sak aner kuro̱k'e ta te atser. Agwo̱m Ágwo̱m tu ku dorok. Ke a tsang a nye rine̱n, a tu ku re̱ng'e.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.