aMatiyu 6:2 - Izere New Testament

² “Kamok anong, izen iya ne yin no̱o̱k yin aner aya a ta se kaye̱e̱r kutse̱r, sang tu tsang i taas yin kyo̱ndi ákardak áner ta nye natu aduwa ni ikim iren nong á ta se̱ kuyiik nufe ánerawe baꞌ. Won ta ka tak yin katsak'e, ba n se̱ ishorong ba cei nakuruk.

aMatiyu 6:2 Iomraidhean Croise

aMatiyu 15:7

Yin ákardak áner, Ishaya fe̱ gye̱r nizen a tá nye kuzarap natoon yin ye,

aMatiyu 16:3

Nadiding ne yin fe̱ yin ye, iza tà kpa katuur kamok yin ta di yin ane̱n ta tisik. Ke yin kyem i fe̱ yin itak natoon kuse kaza, amma yin kyem i fe̱ yin itak natoon ike̱re̱ i ta tseng kyo̱o̱rna baꞌ.

aMatiyu 22:18

Amma aYeso tá ren amaan kuto̱ro̱ng ba iyong a fe̱ be ba ye, “Yin ákardak áner, akye̱ sak yin shim tin bo̱mo̱ng yin e̱?

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

aMatiyu 23:6

Á shim kusosok kanang ni naro̱ kunye riye̱ rikan ne a sosok na agarang kaye̱e̱r atu aduwa.

aMatiyu 24:51

Atekasa'me tu ku yiir ne a ku tsor ma kuro̱m ta tasak, a tu ku gung mak be ákardak áner, kaye̱e̱r karo̱ a tana tos ne á ya anyi.

aMatiyu 5:18

Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 6:3

Amma ke yin ta tobok yin aner aya a tase kaye̱e̱r kutser, to̱, sang akak tu ren ike̱ng iya wan ta sen nye'me baꞌ,

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aMatiyu 7:5

Wan akardak aner, tun agbirik a ta se kaye̱e̱r rinyisi wan nizham nong ta se̱ tà di ikuko̱ i ta se rinyisi afudang wan'e.

aMarkus 12:39

Ne á kasa naro̱ natek natu aduwa ne ninaro̱ kunye riye̱ rikan kyo̱ndi ágbang áner.

aMarkus 7:6

Ne aYeso fe̱ be ba ye, “Ishaya fe̱ gye̱r nizen iya a tá nye kuzarap natoon yin ákardak áner kyo̱ndi i ta se ni izibir ye, “ ‘Áner na tin tiyiik be nanu ba tsek, amma aye̱ ba se gugo̱k be mi.

aLuka 11:41

Kamok anong no̱o̱k yin áfe rizor ike̱re̱ yin ta be yin be riye̱ rizining, nong koakye yin tà te zhe̱l.

aLuka 11:43

“Awo̱ be yin, áner aFarisi, yin shim yin naro̱ kusosok nayiik'e natu aduwa yin, ne á ka nye yin ashou ninaro̱ rizhik kyo̱ndi ágbang áner.

aLuka 12:33

Re̱e̱s yin ike̱re̱ yin nong ta no̱o̱k yin áfe rizor itso̱m'e, be kunye anong ne yin ta sak yin kurum naro̱ afe sang ku tana beseng baꞌ, kaye̱e̱r kaza, naro̱ kaya ákpatang tanin be̱ bubarak ka itse̱ tana ya baꞌ.

aLuka 12:56

Yin ákardak áner! Yin ren i fe̱ yin natoon kaza be kaben. Akye̱ sak yin kyem i fe̱ yin ike̱ng ikak natoon izen na baꞌ e̱?”

aLuka 13:15

Iyong Agwo̱m Ágwo̱m fe̱ ye, “Yin, ákardak áner! Koangan yin karak kaming wu katuk Asabar nong a ta tseng be azhaki ka inyak wu a tin no̱o̱k ashi aꞌa?

aLuka 20:46

“Sak yin riye̱ be áner kubo̱so̱p Itsi, á ta shim kutsang tseng be agbang akpiin, ne á shim á tu ku nye ba ashou ninaro̱ rizhik. Ne á kasa naro̱ kusosok natek natu aduwa áner aYahuda ne ninaro̱ nayiik'e naro̱ kunye riye̱ rikan kyo̱ndi ágbang áner.

aLuka 6:24

“Awo̱ be yin áfe i ta nye yin árum, kamok yin n se̱ yin ike̱ng i tana ka shirim yin aye̱.

aLuka 6:42

Akye̱ sak wan tá fe̱ be afudang wan ye, ‘Won mi ta ka tun ikuko̱ rinyisi,’ nong wan be rice wan tà kyem i di kugbirik kuya ku ta se rinyisi wan baꞌ e̱? Wan, akardak aner, san ku tun ike̱ng i ta se rinyisi wan nizham ta ra kyem i di gye̱r ne i tun iya i ta se rinyisi afudang wan.

aYohana 13:29

aYahuza a tá nye aner kusaas itso̱m, ákak ba sor ye aYeso fe̱ be wu ye a ra se shan ike̱re̱ a tá tse̱r kamok aPasova'me, ka a ra se no̱o̱k áfe rizor ike̱ng ikak ayi.

aYohana 5:41

“Mi tse̱r nakerek nufe ánerawe baꞌ.

aYohana 5:44

Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

Itomong Ámanzo 10:2

Wu be áfe kasa wu cice̱r nye áfikuus'e, ne a fok inyim Adakunom. Á tobok áfe rizor áya a tá nye áner aYahuda dide̱ng, á kam be kunye aduwa baꞌ.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

Itomong Ámanzo 11:29

Ayong álimazhiri ame cice̱r ti sak ye ba tá tobok áfudang ba aya a tá se na aYahudiya. Koangan tà no̱o̱k tite̱re̱ be agap wu.

Itomong Ámanzo 24:17

“Nama mi ta te aye̱ gaan nufang, mi tu bun na aUshalima nong ta be̱ tobok áner yir áya a ta se nudaam ne i nye abeko.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

aRom 12:8

Ke kunye kutsesek ánerawe, a ra sor afe kutsesek ánerawe'me. Ke kunye kunang kutobok áfe a ta se nutser, a ra no̱o̱k washak. Ke kunang'e nye kuko̱k kasho̱o̱n, won a tu nye kaye̱e̱r katsak. Ke ku nye kuro̱ riye̱, a ra nye be riye̱ rikan.

1 aKoranti 13:3

Ko mi fa no̱o̱k áfe rizor koakye mi ta be ka mi fa no̱o̱k kuro̱m'i nong a ta shosh, amma ke mi ra be kushim baꞌ, iyong tin barang mo ike̱ng ikak baꞌ.

aGalati 2:10

Ike̱ng iya ba tá fe̱ se ye, yir ra yiring yir be áfe rizor, iyong ne i nye ike̱ng iya mi ta shim ke mi nye'ong gip.

Afisa 4:28

Aner a ta tsang a nye itsang tu ba nye baꞌ, a ra nye itomong ne a nye ike̱ng ikak itek be ibo̱k wu nong a ta se̱ ike̱ng ikak a tana nang aya sang a tà be baꞌ.

1 aTasalonika 2:6

Sang yir tse̱r yir nakerek nufe ákak ka nufe yin ka nufe ánerawe baꞌ. Yir ta nye yir ámanzo, yir shim tá ka sor yin acer baꞌ.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aFilimon 1:7

Kushim wan ta be ti kare̱p riye̱ dide̱ng ne kuni tsesek dide̱ng kamok wan aroneng, wan sak aye̱ ázhe̱l'e ta men.

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.