aMatiyu 5:9 - Izere New Testament

⁹ Áner riye̱ rikan ne á nye aner aya a ta shim kugung rice, kamok a tù ku yis ba ye inoon Adakunom.

aMatiyu 5:9 Iomraidhean Croise

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aLuka 20:36

Á tà ba kus baba baꞌ, kamok ba ma te kyo̱ndi ámaleka. Ba nye inoon Adakunom makong, kamok ba tá dorok nure̱k be kutser.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

Itomong Ámanzo 7:26

Kaya katson'e aMusa ame se̱ áner Isarela afa se be kuren, ayong a tseng a ti te kanu kaye̱e̱r rife̱'me nong ase̱ a tá ka kaas ba. aMusa ame fe̱ be ba ye, ‘Ároneng, yin nye yin áner be aronyining so̱, akye̱ sak yin shim yin ta naka marang yin e̱?’

aRom 12:18

Nye yin ike̱ng iya yin tana kyem i nye, ke ta kyem yin, to̱, ne i sor yin caang be koangan.

aRom 8:14

Kamok áner aya ne Kabik Adakunom tu ku ko̱k ba kasho̱o̱n ne á nye inoon Adakunom.

aRom 8:16

Kabik Adakunom be rice wu nyim be kafe yir a ta tonong ye yir nye yir inoon Adakunom.

aRom 8:19

Koakye ike̱ng Adakunom ta nye sen tor be ifeng nong á tà di inoon Adakunom'me.

1 aKoranti 6:6

Nikum ke yin se̱ yin aner a tana ka to̱ yin amok, ne aner'e tseng be afudang wu naro̱ amok, nufe áner aya sang a ta nye afikuus baꞌ.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

2 aKoranti 5:20

Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

aFilipi 4:2

Mi nye Ayodiya be aSintiki izong ye kuto̱ro̱ng ba ra se kuzining natoon itomong Agwo̱m Ágwo̱m.

aKolosi 3:13

Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.