aMatiyu 5:7 - Izere New Testament

⁷ Áner riye̱ rikan ne á nye aner aya a ta be kuro̱ riye̱ kamok Adakunom tà ro̱ riye̱ ba gip.

aMatiyu 5:7 Iomraidhean Croise

aMarkus 11:25

Izen iya yin no̱ yin ninye aduwa, ke yin be yin ike̱ng ikak be akak kaye̱e̱r riye̱ yin, ku re̱ng yin'e, nong Ada yin afe a ta se kaye̱e̱r kaza tà ma ka re̱ng yin rine̱n yin gip.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

aRom 11:30

Kamok kyo̱ndi yin tá tsang i kuus yin rife̱ Adakunom baꞌ, amma kyo̱o̱rna yin se̱ yin kuro̱ riye̱ Adakunom kamok kushonong áner aYahuda.

1 aKoranti 7:25

To̱, natoon nanamang naya na tan nye iwe̱ne̱ng baꞌ, Agwo̱m Ágwo̱m min tonong ike̱ng ikak nong ta ka tak ba baꞌ. Amma mi ta ka no̱o̱k yin ibo̱ro̱ng, kaye̱e̱r ritek riya Agwo̱m Ágwo̱m tin no̱o̱k, ye rife̱ mi ta ka tak yin na nye katsak.

2 aKoranti 4:1

Kamok anong, kum yir ta nye yir itomong na kaye̱e̱r kuro̱ riye̱ Adakunom, yir min tun yir riye̱ baꞌ.

Afisa 4:32

Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

1 aTimoti 1:13

Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

aYakub 2:13

Kamok koangan a ta se dar kuro̱ riye̱, Adakunom tu ku to̱ amok dar kuro̱ riye̱. Kuro̱ riye̱ be kusas riye̱ natoon amok.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.